豪園麵家

Open Now

Now Closed

約咗屋企人喺黃大仙附近食lunch ，見豪園裝修都幾好，就入咗去食，我哋嗌咗個肉絲炒麵同炸雞扒餐肉蛋飯，肉絲炒麵個面底炸得好乾身，好鬆脆，再淋埋佢哋秘製嘅醬汁喺面頭，撈埋一齊食味道好夾，材料都好充足，眼見都有成十幾塊肉片，同幾條菜心，非常豐盛!另外雞扒扒餐肉蛋飯，個雞扒擦炸得啱啱好，表面金黃，肉質嫩滑，炸完都好多汁喺塊雞扒裏邊，個蛋仲要係太陽蛋，雞扒撈埋蛋漿一齊食，超級惹味!嘢飲我哋仲嗌咗杯柚子蜜同紅豆冰，我好欣賞佢啲紅豆煲得好軟綿綿，唔會太硬，約朋友過嚟下午茶食飯就一流！