紅棉

Open Now

Now Closed

水星Auntie宴客，全權交由美食饕客嬸婆代為策劃，為隆重其事，長輩特選於酒店中菜廳「紅棉」設席。五星級酒店位於中環紅棉路上，區內有多棵紅棉樹，餐廳係順理成章地以其起名，入口處可見名花作擺設，到題得黎流露出雅麗嘅氣質。樓底高高嘅用餐大堂空間感足。十一人派對於闊落嘅私人廂房內進行，有專人貼身招待，私隱度更高，舒適衛生得很！據悉，可容納十或十二人嘅廂房最低消費額為午市$8,000及晚市$12,000，可容納上六人嘅細房最低消費額則為午市$5,000及晚市$6,000。席上嘅賓客求知慾真係強，見到牆上嘅書法咁有勁，即紛紛議論四個大字嘅讀法。正當有人讀出「芒果決明」時，駐場嘅經理哥哥即糾正四字應為「節果決明」，成為咗當晚嘅笑話。嘉俊哥哥解釋，「節果決明」乃置身於酒店內嘅百年古樹之名，罕有名木屬保育地標之一，每年春季開滿粉紅嫩白嘅花花時，都會擠滿人群打卡。在場嘅女仕們都聽到心郁郁，仲話到時應該相約午聚一賞「白與嫣紅雨」，務求大包口福同眼福！菜單列出九大簋盛宴，實在令人期盼萬分。桌上可見齊備嘅自用及公用餐具。所有餸菜都有專人預先分埋續位上，就連靚茶都係由服務生斟添。前菜薈萃：為晚餐作序嘅四款前菜以