Video
Read full review
2023-06-12
531 views
泓一拉麵開業八年，原址大圍，後搬到紅磡，人氣一直高企。老闆兼大廚Tommy有超過10年煮拉麵經驗，曾跟從日本師傅學藝。假日我6:30左右開始排隊，前面有6個，等了30-45分鐘 （天氣炎熱係有少少辛苦💦）。🌇裝修：木系日本拉麵小店裝修，店內只有7個座位，地方淺窄，空調偏細，不算舒適。🫶雞白湯拉麵 $98🍜雞白湯拉麵的湯底以大量雞殼、雞腳、雞翼尖、全雞等熬成奶白色，好足料咁用心熬煮；上碗後再打泡令湯底更順滑creamy。湯底鮮甜，雞香濃郁，比起座銀無咁濃味，無咁油膩（有好有壞），價錢也比較親民，值得一試。🍜店內自設製麵機，自家製新鮮麵條，十分有誠意。麵條中幼，頗煙靭，中度掛汁！🍜拉麵亦配一塊慢煮薄切叉燒、一塊慢煮雞胸和一隻溏心蛋。肉入口尚算軟淋，但如果叉燒肥少少、雞再嫩滑少少會更好。溏心蛋不錯，咬開流出蛋汁，蛋味香！🫶背脂醬油拉麵 $88背脂醬油拉麵雖然用咗豬油熬制，但比起白雞湯無咁濃味，十分清甜，適合鐘意食簡單清湯底嘅人。🫶日式餃子 跟拉麵加$25有5隻，足夠二人分享，不算太油膩，但亦不算太脆香，不叫亦可😅🫶免費提供自助冰水✍️整體：拉麵好食，兩碗各適合唔同人食。我自己好鍾意雞白湯嘅cr
🌇裝修：木系日本拉麵小店裝修，店內只有7個座位，地方淺窄，空調偏細，不算舒適。
🫶雞白湯拉麵 $98
🍜雞白湯拉麵的湯底以大量雞殼、雞腳、雞翼尖、全雞等熬成奶白色，好足料咁用心熬煮；上碗後再打泡令湯底更順滑creamy。湯底鮮甜，雞香濃郁，比起座銀無咁濃味，無咁油膩（有好有壞），價錢也比較親民，值得一試。
🍜店內自設製麵機，自家製新鮮麵條，十分有誠意。麵條中幼，頗煙靭，中度掛汁！
🍜拉麵亦配一塊慢煮薄切叉燒、一塊慢煮雞胸和一隻溏心蛋。肉入口尚算軟淋，但如果叉燒肥少少、雞再嫩滑少少會更好。溏心蛋不錯，咬開流出蛋汁，蛋味香！
🫶背脂醬油拉麵 $88
背脂醬油拉麵雖然用咗豬油熬制，但比起白雞湯無咁濃味，十分清甜，適合鐘意食簡單清湯底嘅人。
🫶日式餃子 跟拉麵加$25
有5隻，足夠二人分享，不算太油膩，但亦不算太脆香，不叫亦可😅
🫶免費提供自助冰水
✍️整體：拉麵好食，兩碗各適合唔同人食。我自己好鍾意雞白湯嘅creamy濃郁，朋友就鍾意醬油嘅清甜。食完兩碗，我地都無口渴，應該無落味精！至於同座銀比，真係各有千秋，個人覺得座銀略勝一籌，雖然貴好多，但座銀嘅湯再濃郁啲，雞再滑d，環境坐得舒服好多，仲有juicy炸雞食。但我覺得如果你鍾意簡單清甜、唔油膩嘅湯底，同埋追求性價比，你會鍾意泓一多d！如果唔洗排長龍，可encore！
------------------------------
👅味道⭐️⭐️⭐️⭐️
📸打卡⭐️⭐️
🌃環境⭐️⭐️
💸性價比⭐️⭐️⭐️⭐️⭐️
💰人均：$100
😎Encore指數：90%
------------------------------
Post
