拉麵天王

Open Now

Now Closed

呢日同屋企人行黃埔吉x島， 買完嘢之後去附近搵食， 經過一間拉麵店門口， 見到門口裝修都幾有日式風格， 睇完餐牌都覺得啱食就入去試下， 餐廳裝修和其他拉麵小店差不多， 有張長嘅拉麵吧枱， 然後有幾張四人枱， 擺設都算企理乾淨。烤餃子呢款餃子唔係煎嘅， 應該係用焗嘅方法嚟做， 令餃子比較少油， 健康啲， 可以保持到肉汁。迷你天王丼因為小弟比較大食嘅關係， 加上當日比較肚餓， 下一碗拉麵醫唔飽個肚， 所以小食都揀咗個迷你飯， 迷你飯都配咗半隻流心蛋和豚角肉， 豚角肉夠淋身入味， 上枱前仲用火槍燒過， 有多層焦香味。胡椒天王拉麵個胡椒湯底幾特別， 面層加咗芝士， 中和咗胡椒嘅辣味， 所以食落去我覺得唔算太辣， 叉燒都幾大片， 夠淋夠入味， 食到一半面層嘅芝士開始溶， 又做到拉絲嘅效果， 個麵身做到爽口彈牙。黑天王拉麵朋友叫咗個黑天王拉麵， 即係黑蒜油拉麵， 個湯底係用豬骨湯加黑蒜油， 我試咗少少， 豬骨湯底幾濃郁， 黑蒜油味道好香。