2派克雞排

Open Now

Now Closed

呢間喺紅磡新開嘅炸物店，主打炸大雞排、鹽酥雞塊等炸物，但好少會喺炸物店，有林林總總唔同款式嘅調味粉：海苔、辣味、芥末、梅子、芝士等，真係掃唔晒佢嘅調味粉口味！先講講佢個主食，煮食都有唔同種類嘅雞，除咗主打嘅大雞扒之外，仲有炸雞柳、無骨雞腿、無骨雞塊，連雞翼都有分雞全翼同雞中翼，真係雞全部都係雞！炸雞飯個外皮好脆，入面嘅肉好Juicy，最重要嘅係調味粉，平均分布喺每一嚿雞塊上面，真係唔知點樣會識到咁均勻，咁好味！除咗邪惡嘅炸雞之外，佢仲有素食㗎！好少有地方有四季豆，所以忍唔住點多個試試！除咗四季豆啲咁特別嘅option之外，佢仲有脆皮杏鮑菇、地瓜條、薯餅等素食，雖然食緊炸嘢，但係感覺自我良好！