香湘辣妹 (Closed)

今日同一位愛食辣的朋友食湘菜，到紅磡呢間湖南私房菜。門面帶點新朝菜館，可能鋪名叫Spicy girl 有關。餐牌好多食物相，唔需要估，就點了有相的特別菜色，先叫涼拌配菜，激麻辣海帶絲，菜名叫斷了的弦，有心思的菜名爽口冰涼，有不同味覺享受。再叫了涼伴木耳，餐牌寫住黑色幽默，被個名吸引了而叫的，有黑醋調味，果然爽脆開胃。有連爐上的幹鍋田雞$128，熱辣辣，田雞超彈牙，有刺激的青椒辣椒，一路有爐熱住，香氣撲鼻，食落有啲搶喉添。再叫了湘菜必選手抓羊排$148，香料味濃，惹味，羊肉有質感，帶點脆口，用手一支支咁食，名乎其實手抓住食。。最後未飽叫埋個窩窩頭$48，用脆卜卜的菜蒲及微甜梅菜釀入飽內，唔會太咸。埋單二百幾蚊，有咁多碟菜色，價錢合理呀！