Video
Read full review
2023-02-22
1496 views
-榛 Hashibami 🍣平時食Omakase 都係會揀晚市 因為通常都會有多D款式可以食午市係少D選擇但價錢上都相對平D 不過原來而家Omakase 都有Early Dinner咁下午都可以平少少食到晚市既菜式!餐廳裝潢以淺木色系為基調 又有唔少植物做裝飾令成個氛圍都好清幽雅緻 有如置身於日式園庭咁✨榎 ENOKI ($1380/pp) 前菜🐟白身魚薄切刺身有2片係刺身 1片係燒過既右口魚裙邊配有海膽汁同紫蘇花 刺身肉質較為彈牙 裙邊就油脂香四溢🐟北海道鮟鱇魚肝配自家製醬汁呢個真係好好味 口感滑嫩細滑 入口即化重點係加入左配上高知縣柚子皮中和油膩感 + 自家製醬汁 鮮美甘甜🦪時令日本生蠔 - 仙鳳趾真蠔 / 燒帆立貝生蠔肉身肥厚 質地滑口 有陣陣礦物味紫菜包住燒帆立貝 肉厚彈牙鮮甜🐙和風慢煮北海道活八爪魚 師傅話呢個做法相當繁複 要醃製三日 人手按摩1小時 然後慢煮兩小時令到肉質鬆軟 有彈性 而且係十分入味 呢個真係食過最最最鬆軟既八爪魚 壽司 🍣千葉縣金目鯛魚粉嫩魚肉同雪白油脂分佈均勻 充滿濃郁魚味🍣和歌山縣鰺魚肉質結實有彈性又肥美 加上青蔥絲令味道更有層次🍣北海道北寄貝 用凍水
榛 Hashibami 🍣
平時食Omakase 都係會揀晚市 因為通常都會有多D款式可以食
午市係少D選擇但價錢上都相對平D 不過原來而家Omakase 都有Early Dinner
咁下午都可以平少少食到晚市既菜式!
餐廳裝潢以淺木色系為基調 又有唔少植物做裝飾
令成個氛圍都好清幽雅緻 有如置身於日式園庭咁
✨榎 ENOKI ($1380/pp)
前菜
🐟白身魚薄切刺身
有2片係刺身 1片係燒過既右口魚裙邊
配有海膽汁同紫蘇花 刺身肉質較為彈牙 裙邊就油脂香四溢
🐟北海道鮟鱇魚肝配自家製醬汁
呢個真係好好味 口感滑嫩細滑 入口即化
重點係加入左配上高知縣柚子皮中和油膩感 + 自家製醬汁 鮮美甘甜
🦪時令日本生蠔 - 仙鳳趾真蠔 / 燒帆立貝
生蠔肉身肥厚 質地滑口 有陣陣礦物味
紫菜包住燒帆立貝 肉厚彈牙鮮甜
🐙和風慢煮北海道活八爪魚
師傅話呢個做法相當繁複 要醃製三日 人手按摩1小時 然後慢煮兩小時
令到肉質鬆軟 有彈性 而且係十分入味 呢個真係食過最最最鬆軟既八爪魚
壽司
🍣千葉縣金目鯛魚
粉嫩魚肉同雪白油脂分佈均勻 充滿濃郁魚味
🍣和歌山縣鰺魚
肉質結實有彈性又肥美 加上青蔥絲令味道更有層次
🍣北海道北寄貝
用凍水浸過後切紋再點上醬汁 同青檸皮
食落質感軟綿得黎爽彈 暫時係食過最好味既北寄貝
🍣青森縣大間中拖羅
魚味香濃 口感軟綿 帶點嚼勁
🍣青森縣大間大拖羅
油香四溢 入口即溶 邪惡得黎仲有滿滿既幸福感
不過以上既壽司都係用左赤醋 酸度比平時較強 所以可以中和番個油膩感
🍣富山灣白蝦 - 肉質晶瑩剔透 鮮甜爽口 加上少少芝麻更為香口
🍣長崎縣赤鯥魚
輕輕燒過既赤鯥魚 香口得黎有甘甜味 魚香味都好濃厚
🍣瀨戶內海穴子
想講呢個真係煮得好軟綿 雖然師傅提醒可能有細骨 不過我成舊食都冇骨 好味呢！！
🍣佐賀海苔配北海道馬糞海膽 黑松露
初初就係咁呢個吸引而黎
首先用左炸U形既海苔去托住用海膽撈飯做個底 不得了
之後師傅係毫不吝嗇地放入大量鮮甜綿密既馬糞海膽
最後加上新鮮即刨既一片片黑松露
所有味道都一次過係味蕾大爆發 真係每一啖都超滿足!
🐣大分縣蘭黃玉子燒
蛋香味濃又甜甜地
最後仲有個味噌湯同時令水果日本哈蜜瓜作結 真係好幸福既一餐!
Post
