Video
Read full review
2017-08-01
25 views
踏入生日月份，好多生日飯局出席，但今次特別啲，係輪到阿爸阿媽同我食生日飯喎。阿媽話係阿姨介紹，知道紅磡有條崇潔街原來係食街黎架，仲話有間新開張火鍋店好好食架。所以今次比個地址我就揸車過黎試下啦。今次試呢間原味棧，阿姨話之前同朋友黎食好好味，而且新開張，地方新淨企理。阿媽仲話阿姨大力推介我地試呢個火焰臺山五味醉鵝煲喎，用鵝黎打邊爐，真係未試過喎。個煲一上，侍應都問我地影唔影相呀？準備好佢就點火，好似點奧運聖火咁。原來真係有火焰架，好啦影完相，侍應就話要冚蓋焗下佢喎。每臺都配有呢個豪華海鮮拼盤，有龍蝦、飽魚、海蝦、蜆、蟹等等，睇見都流晒口水了。安格斯手切肥牛都係每臺一客，色澤分明，脂肪同肉比例均勻，只要個湯夠滾，將佢拖一拖水就食得，牛味十足。時令菜籃都好豐富架，生菜、椰菜、蕃茄同粟米，全部都好新鮮。隔左一陣侍應就黎攞開個蓋啦，嘩！真係香濃撲鼻，我等唔切啦即時夾件鵝試下先，單睇呢件鵝肉已經見到沒有什麼脂肪，一啖放入口更食到少少酒香，應該有經酒煮過。阿爸阿媽食完都讚佢色澤好而且夠晒入味。除左海鮮盤、安格斯牛肉同菜籃外，我地都叫左啲任食配料，鮮肉鲩骨腩、魚皮餃、鮮肉鲩片，呢啲都係叫比鍾意食魚嘅阿
阿媽話係阿姨介紹，知道紅磡有條崇潔街原來係食街黎架，仲話有間新開張火鍋店好好食架。
所以今次比個地址我就揸車過黎試下啦。
今次試呢間原味棧，阿姨話之前同朋友黎食好好味，而且新開張，地方新淨企理。
阿媽仲話阿姨大力推介我地試呢個火焰臺山五味醉鵝煲喎，用鵝黎打邊爐，真係未試過喎。
個煲一上，侍應都問我地影唔影相呀？準備好佢就點火，好似點奧運聖火咁。原來真係有火焰架，好啦影完相，侍應就話要冚蓋焗下佢喎。
每臺都配有呢個豪華海鮮拼盤，有龍蝦、飽魚、海蝦、蜆、蟹等等，睇見都流晒口水了。
安格斯手切肥牛都係每臺一客，色澤分明，脂肪同肉比例均勻，只要個湯夠滾，將佢拖一拖水就食得，牛味十足。
時令菜籃都好豐富架，生菜、椰菜、蕃茄同粟米，全部都好新鮮。
隔左一陣侍應就黎攞開個蓋啦，嘩！真係香濃撲鼻，我等唔切啦
即時夾件鵝試下先，單睇呢件鵝肉已經見到沒有什麼脂肪，一啖放入口更食到少少酒香，應該有經酒煮過。
阿爸阿媽食完都讚佢色澤好而且夠晒入味。
除左海鮮盤、安格斯牛肉同菜籃外，我地都叫左啲任食配料，鮮肉鲩骨腩、魚皮餃、鮮肉鲩片，呢啲都係叫比鍾意食魚嘅阿爸。
我自己都試左塊鲩片，雖然有少少骨，但肉質鮮甜，一啲都唔腥。
鮮牛肉雖然比唔上安格斯牛肉，但肉色夠紅潤且肉質嫩滑。
龍蝦都食得啦。只要唔好淥太耐令到啲肉太老，基本上食龍蝦本身嘅肉質已經覺得美味。
仲有老婆大人最愛嘅鮑魚，肉質細嫩又彈牙，口感滿分。最後因為呢度任飲任食，每位都只係$208，鵝煲都只係每位加$30。
埋單都只係一千蚊左右，非常抵食，呢次阿姨真係無介紹錯喎。
Post
