紅茶冰室

Open Now

Now Closed

行開旺區都唔難發現宜家周圍都開左好多冰室茶記咁，好多都有連鎖嘅概念，唔知係米同一個集團嘅產物，就算係我自己覺得每一間都有自己特色嘅。呢間旺角店裝修都幾好，用木顏色為主，兩人一齊坐一邊卡位唔會太逼，但放多個大袋就有d逼啦。今晚食紅茶係晚餐來嘅，野就食得唔多，嗌左3樣野乾炒牛河色香都夠嘅，中意食芽菜同配菜嘅我就覺得係落得幾多嘅，牛肉算嫩滑有味到，反而河粉就唔算太有味，不過勝油膩感唔太重。鮮茄焗蛋牛配意粉焗野一般斗等得耐，今次就中規中矩，成盤焗意粉料好足嘅，有番茄，西芹，甘筍等等好似碗羅宋湯咁，哈哈，所以成竇野係juicy嘅，加上牛肉都係嫩嘅，感覺成間鋪頭嘅牛肉都處理得唔錯，蛋又做得半生熟yummy，再加上意粉個質感唔會over cook嘅感覺，質感非常棒，再問waiter攞埋茄汁淋少少上面就好味啦。腿蛋面雖然看似一碗普通嘅麵，但一上台見到兩隻蛋嘅處理非常好，半生熟唔會太乾身，又唔太油，恰到好處。凍檸茶嗌左一杯野飲姐，知佢嘅紅茶正。我地見到隔離檯嘅凍飲係勁多冰，我地就嗌少冰啦。不過總體來講全部味道都偏淡dd，唔知係米要符合番香港人健康口味呢，哈哈。