Video
Read full review
2018-09-13
92 views
同老死幾個月一次聚一聚，就想搵D坐得舒服既地方。 開頭諗住食D大型集團連鎖酒樓既中菜，但又食到有D悶，二來又怕太嘈。 問下屋企人荃灣附近有咩好西食，佢地就話有間新加坡既福建菜可以試下，叫莆田。 咁就訂左位同老死試下。收工過到去都荃灣西站7點幾，見到好多人去緊荃灣廣場揾食(心諗好彩訂左位)。 同老死約左係莆田門口等，入到去都幾多人下，第一眼感覺店面裝修乾淨企理，又唔老土。侍應帶位同時同我地講鋪頭做緊紅菇節，聽講呢種紅菇幾乎人工係種唔到，係短時間係野生採摘，都幾矜貴，可以養顏，營養價值好高，用黎做菜一流，果然呢野餐廳識簡，仲好似係期間限定，做到10月底。一坐低，侍應拎左一壺菊花茶過黎，嘩，食飯仲有花茶飲，岩晒我地呢D熱氣底人士。 然後我地點左幾樣送，送菜時間好快！非常有效率！先黎一個－紅菇燉土雞，用紅菇帶出土雞既鮮味，成碗湯除左D精華，湯渣夠野味，火喉好夠，亦都好足料，份量其實都夠三個人飲，真係無叫錯，早知帶埋女友黎。之後再黎－莆田滷麵，用白滷汁煮麵條，再配埋蛤類，蝦及肉等材料做成，麵條好彈牙，海鮮亦食得出係新鮮，呢碗麵同係福建食既味道係一樣，真係唔hea!另一道主菜有侍應推介－百秒黃花
收工過到去都荃灣西站7點幾，見到好多人去緊荃灣廣場揾食(心諗好彩訂左位)。 同老死約左係莆田門口等，入到去都幾多人下，第一眼感覺店面裝修乾淨企理，又唔老土。
侍應帶位同時同我地講鋪頭做緊紅菇節，聽講呢種紅菇幾乎人工係種唔到，係短時間係野生採摘，都幾矜貴，可以養顏，營養價值好高，用黎做菜一流，果然呢野餐廳識簡，仲好似係期間限定，做到10月底。
一坐低，侍應拎左一壺菊花茶過黎，嘩，食飯仲有花茶飲，岩晒我地呢D熱氣底人士。 然後我地點左幾樣送，送菜時間好快！非常有效率！
先黎一個－紅菇燉土雞，用紅菇帶出土雞既鮮味，成碗湯除左D精華，湯渣夠野味，火喉好夠，亦都好足料，份量其實都夠三個人飲，真係無叫錯，早知帶埋女友黎。
之後再黎－莆田滷麵，用白滷汁煮麵條，再配埋蛤類，蝦及肉等材料做成，麵條好彈牙，海鮮亦食得出係新鮮，呢碗麵同係福建食既味道係一樣，真係唔hea!
另一道主菜有侍應推介－百秒黃花魚，肉質夠嫩，用湯加明火憫出黎一D都唔老，老人家同小朋友都岩食。
小菜叫左－蝦苗拌頭水紫菜，呢個下次黎到要再encore，廚師好有心思將青瓜包住頭水紫菜，再加埋香醋配搭，帶出頭水紫菜鮮味，唔會太漏，好爽口！
另一道小菜－酥炒芋頭，呢道菜係用檳榔芋同埋紅蔥去做，外脆內軟，好香口，最令我百思不得奇解係，點樣可以做到又咸又甜既口感？
總結黎講，呢間餐廳既裝修，服務都好好！侍應又主動，真係有服務既餐廳開始越黎越少。 小弟以往都偏向關注食物味道，今次亦令我知道對食材既由來，營養價值都好重要。 不槐係米芝蓮餐廳。
Post
