Video
Read full review
2023-04-27
46 views
中環蘇豪區一向多型格小店，最近就同朋友到訪了伊利近街這間以紋身為主題嘅酒吧餐廳「Holy Eats」。餐廳嘅佈置非常別緻，牆上壁畫摻入了不少紋身畫作元素，再配以磚紅色門面、黑白階磚，霓虹燈招牌，裝潢亮麗耀眼。餐廳嘅菜式融合中西文化，食物以 bar snacks 為主，我哋點咗 Hamachi Ceviche、Mushrooms Croquettes、Beef taco 同 Garlic prawns。Hamachi Ceviche ($198) 油甘魚用咗椰奶、青檸醃製，再加入青瓜、紫洋蔥、墨西哥辣椒同花生粒，食落味道好清新，鮮酸辣香，非常醒胃，用嚟送酒一流！Mushrooms Croquettes ($88) 可樂餅熱辣辣，即叫即炸，香口嘅外皮包著滿滿嘅蘑菇，入口啖啖蘑粒，mix 埋面頭嘅 parmesan cheese 一齊食，非常美味。Beef taco ($98) 夾餅個皮烤得啱啱好，柔韌堅挺，水準不俗。餡料有牛肉、紫洋蔥等，牛肉份量十足，嫩滑又多汁，加上阿根廷青醬點綴，味道 Level Up！Garlic & butter prawns ($188) 特色小食蒜油蝦，
中環蘇豪區一向多型格小店，最近就同朋友到訪了伊利近街這間以紋身為主題嘅酒吧餐廳「Holy Eats」。
餐廳嘅佈置非常別緻，牆上壁畫摻入了不少紋身畫作元素，再配以磚紅色門面、黑白階磚，霓虹燈招牌，裝潢亮麗耀眼。
餐廳嘅菜式融合中西文化，食物以 bar snacks 為主，我哋點咗 Hamachi Ceviche、Mushrooms Croquettes、Beef taco 同 Garlic prawns。
Hamachi Ceviche ($198) 油甘魚用咗椰奶、青檸醃製，再加入青瓜、紫洋蔥、墨西哥辣椒同花生粒，食落味道好清新，鮮酸辣香，非常醒胃，用嚟送酒一流！
Mushrooms Croquettes ($88) 可樂餅熱辣辣，即叫即炸，香口嘅外皮包著滿滿嘅蘑菇，入口啖啖蘑粒，mix 埋面頭嘅 parmesan cheese 一齊食，非常美味。
Beef taco ($98) 夾餅個皮烤得啱啱好，柔韌堅挺，水準不俗。餡料有牛肉、紫洋蔥等，牛肉份量十足，嫩滑又多汁，加上阿根廷青醬點綴，味道 Level Up！
Garlic & butter prawns ($188) 特色小食蒜油蝦，賣相非常吸引，醬汁充滿蒜香和牛油香，令本身鮮甜嘅蝦肉更為提升，以旁邊嘅薄脆多士伴吃，更添滋味！
嚟得酒吧又點可以唔啤一啤，呢隻金牌台灣啤酒 Taiwan beer 味道都唔錯，麥味香淳順喉。朋友唔飲得，點咗 fresh lime juice，好易入口，味道清新怡人。
Post
