Video
Read full review
2022-12-20
139 views
💁♀️💁♂️16/12/2022(Fri), Dinner🍽又黎Happy Friday🤩🤩🤩~同A先生一齊出街拍下拖搵下野食😋~上網見到長沙灣呢間 蘇山雞飯 既新加坡菜都好多人推介😍~就同A先生一齊走過黎長沙灣搵食嘞🚶♀️🚶♂️~今晚我地order左😌：🔆 獅城芽菜走地雞飯配輕怡新加坡白胡椒排骨茶 🐓🍚🥣（$90）店家主打既係雞飯🐓🍚，一場嚟到無理由唔叫嚟試下😌。走地雞已經起咗骨，雞皮爽滑而雞肉彈牙😋。面頭淋咗一層鹹香既醬料，而底層就鋪咗唔少既芽菜墊底。值得一提既係店方用上粗身而短既芽菜，呢隻芽菜食落爽口又無草青味，吸收咗醬汁之後亦都絕對不能錯過😍。雞飯配上三色醬汁，其實就咁食雞🐓就已經好夠味👍，為食妙妙同A先生都無乜點過。雞飯既顏色比一般既偏深色少少，入口充滿雞油同斑蘭既香氣🤤，仲有香茅、南薑同紅葱頭既香氣🤤。聞說係店方特登用細啲既電飯煲去煲，去控制質量令到粒粒飯都咁吸收味道🤩。跟餐配既新加坡白胡椒排骨茶份量都唔細，有兩條一字排同豆卜等配料。肉骨茶胡椒味溫和，唔會好辣，入口順喉，天氣凍凍地飲落好舒服。一字排夠淋，輕輕用牙一咬就骨肉分離。連埋筋膜既肉係最好食既，有咬口又有肉味，蘸一搵
💁♀️💁♂️16/12/2022(Fri), Dinner🍽又黎Happy Friday🤩🤩🤩~同A先生一齊出街拍下拖搵下野食😋~上網見到長沙灣呢間 蘇山雞飯 既新加坡菜都好多人推介😍~就同A先生一齊走過黎長沙灣搵食嘞🚶♀️🚶♂️~
今晚我地order左😌：
🔆 獅城芽菜走地雞飯配輕怡新加坡白胡椒排骨茶 🐓🍚🥣（$90）店家主打既係雞飯🐓🍚，一場嚟到無理由唔叫嚟試下😌。走地雞已經起咗骨，雞皮爽滑而雞肉彈牙😋。面頭淋咗一層鹹香既醬料，而底層就鋪咗唔少既芽菜墊底。值得一提既係店方用上粗身而短既芽菜，呢隻芽菜食落爽口又無草青味，吸收咗醬汁之後亦都絕對不能錯過😍。
雞飯配上三色醬汁，其實就咁食雞🐓就已經好夠味👍，為食妙妙同A先生都無乜點過。雞飯既顏色比一般既偏深色少少，入口充滿雞油同斑蘭既香氣🤤，仲有香茅、南薑同紅葱頭既香氣🤤。聞說係店方特登用細啲既電飯煲去煲，去控制質量令到粒粒飯都咁吸收味道🤩。
跟餐配既新加坡白胡椒排骨茶份量都唔細，有兩條一字排同豆卜等配料。肉骨茶胡椒味溫和，唔會好辣，入口順喉，天氣凍凍地飲落好舒服。一字排夠淋，輕輕用牙一咬就骨肉分離。連埋筋膜既肉係最好食既，有咬口又有肉味，蘸一搵點醬油食更是美妙😍😍😍。
🔆 晚餐加配 Susan 雞翼（三隻）（+$28）雞翼係雞全翼三隻，份量十足。剛炸起既雞翼皮脆肉嫩，唔會炸到乾晒，令人一隻接一隻咁食唔停口👍。
🔆 星洲龍蝦叻沙掺掺配鮮油咖央多士🦞🍜（$128）龍蝦🦞叻沙掺掺有半隻龍蝦、魚蛋、魚片、雞蛋、豆卜、芽菜同通菜。叻沙湯底味道濃而不過鹹，有椰香味，帶點微辣而香口惹味。掺掺即係油麵加米粉，店家選用既米粉幼身得嚟又好索湯，吸收過湯汁之後配搭入口滑身既油麵，兩者配合得剛好。
半隻龍蝦🦞唔算十分大隻，但肉質鮮甜彈牙，頓時將整碗叻沙既豪華感提升，絕對值回票價。魚蛋同魚片都有魚味，入口爽彈，唔係一般無魚味既貨式。豆卜吸收過湯汁又係不能錯過。
鮮油咖央多士材料簡單，但就配搭出邪惡既美味，令人又愛又恨。多士加咖央醬再加厚切牛油🧈，烘得香脆既多士，加上唔太甜但充滿椰香味既咖央醬，夾住厚切牛油。多士既熱力將牛油微微咁融化咗，牛油既香味滲入多士入面。一咬入口混合咗香脆多士、香甜咖央醬同埋軟滑牛油，在口腔內互相交融，什麼卡路里、減肥先拋諸腦後吧😂😂！
🔆 晚餐加配參巴醬通菜（+$20）加配既參巴醬通菜份量都唔少，參巴醬鹹香帶辣，加上爽口通菜，簡單又好食😋。
🔆 凍鮮檸檬🍋薏米水（餐飲+$3）健康既薏米水再加上檸檬🍋既酸香，入口解渴順喉，配合今餐既東南亞美食十分配。
🔆 凍青檸菠蘿🍍梳打水（餐飲+$12）
呢杯凍青檸菠蘿🍍梳打水比一般既青檸梳打多一陣菠蘿🍍既香甜味道，入口清新開胃，最岩食完比較濃味既食物之後，用嚟清一清味蕾。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻食物高水準之作～特別係個雞飯～估唔到個飯咁有驚喜～絕對會再度回訪❤👍👍👍👍
🔆🔆🔆🔆🔆🔆🔆🔆🔆🔆🔆🔆🔆
Post
