走肉蔬食研究所 (Closed)

一個星期，先後食左兩次，一次食中式，一次食西式。要喺門口點餐，點完去揀位坐。兩次都係lunch 去，都好易有位，可能因為鋪位大。枱面仲有車仔麵揀，下次可以試下。1️⃣黯然銷魂飯$72素叉燒顏色靚，有咬口，醬汁唔算多，加埋少少蛋漿乾濕度啱啱好，唯一美中不足係唔夠熱。2️⃣豆乳卡邦尼意粉$70個名係以豆乳行先，以為會有啲豆漿味，但其實無！如果鍾意少汁，應該會鍾意，個人應為淡左少少，要加胡椒粉先有少少味！3️⃣小食廚房對岀有張長枱，放左唔少小食，仲有沙律俾大家食。個人鍾意食青瓜，有少少辣，味道啱啱好！兩次去都有湯，一款中湯，一款西湯，仲飲完即止。