Video
Read full review
2021-12-14
33 views
近排食得多熱氣野上火，久唔久真係要黎返日Green day detox 一下。茹素、食齋對牛高馬大嘅男人來講一直好卻步，但另一半食開健康野，所以一直都bookmark左呢間人氣店，今日見冇人排隊終於有機會試吓🤗選擇困難症就聽店員介紹，嗌左個咖喱素豬扒定食配麵豉湯。「炸豬扒」咬落去真係同食緊日式炸豚無好大分別，只係肉質取而代之係淡淡嘅豆皮腐竹味。配埋炒蛋同埋芝麻汁椰菜，老實說價錢上、味道上對第一次食齋嘅我都非常宜人，亦都好有驚喜，食肉獸都完全唔抗拒😜牛油果羽衣甘藍沙律，要讚下店家知道另一半堅果過敏，好細心咁檢視左我哋嗌嘅菜式，再幫我哋走果仁👍🏻👍🏻。牛油果軟冧，配埋爽口嘅羽衣甘藍，醬汁酸甜醒胃，係另一個必嗌之選！話明detox, 都真係唔敢叫太多食物，睇到佢有pizza仲係最愛嘅薄批，唯有忍口下回再戰。飲品都揀咗比較清淡嘅選擇，凍桂花烏龍拿鐵+熱無糖熱烏龍。前者係口味調校上非常到位，唔會過甜，桂花同烏龍茶嘅組合，一濃一淡異常合拍。熱飲雖然聽落冇乜特別，但一杯上乘嘅茶絕對係會令人留下印象，一杯烏龍雖然一定冇阿里山嘅茶感，但已經兩年冇出遊嘅我哋，絕對收貨🤗整體來講呢間fusion 素食餐廳絕
選擇困難症就聽店員介紹，嗌左個咖喱素豬扒定食配麵豉湯。「炸豬扒」咬落去真係同食緊日式炸豚無好大分別，只係肉質取而代之係淡淡嘅豆皮腐竹味。配埋炒蛋同埋芝麻汁椰菜，老實說價錢上、味道上對第一次食齋嘅我都非常宜人，亦都好有驚喜，食肉獸都完全唔抗拒😜
牛油果羽衣甘藍沙律，要讚下店家知道另一半堅果過敏，好細心咁檢視左我哋嗌嘅菜式，再幫我哋走果仁👍🏻👍🏻。牛油果軟冧，配埋爽口嘅羽衣甘藍，醬汁酸甜醒胃，係另一個必嗌之選！
話明detox, 都真係唔敢叫太多食物，睇到佢有pizza仲係最愛嘅薄批，唯有忍口下回再戰。
飲品都揀咗比較清淡嘅選擇，凍桂花烏龍拿鐵+熱無糖熱烏龍。前者係口味調校上非常到位，唔會過甜，桂花同烏龍茶嘅組合，一濃一淡異常合拍。熱飲雖然聽落冇乜特別，但一杯上乘嘅茶絕對係會令人留下印象，一杯烏龍雖然一定冇阿里山嘅茶感，但已經兩年冇出遊嘅我哋，絕對收貨🤗
整體來講呢間fusion 素食餐廳絕對值得encore，每個月keep住素一下，話唔定身體都會健康啲咩病毒都走晒啦😎
Post
