蘭陽食堂 (Closed)

喺外賣平台見到呢間蘭陽食堂，地址就喺香工都方便，咁啱今日想食素食，於是就落單外賣自取。原來佢係一間外賣店，冇堂食供應，除咗可以用外賣平台落單之外，仲可以WhatsApp直接落單。蘭陽食堂主要係製作富有台灣宜蘭羅東風味嘅菜式，有飯有麵可供選擇。台灣菜不乏滷肉飯，我就揀咗比較傳統嘅古早味滷肉飯。因為係素食，所以用上不同菇菌代替肉沫，口感絕不遜色。飯餐仲配有半隻滷水蛋。仲有自家製嘅醃酸瓜。另外仲揀咗手作韭菜餃拌麵，素餃更能帶出韭菜嘅香味，麵質亦都夠彈牙。麻辣醬屬於蘭陽食堂自家製，對於食開五小辣嘅我覺得都幾辣，不過又幾好味。仲配埋青瓜絲同醃蘿蔔，好味得嚟營養亦都夠均衡。