NUTTEA (海光街) (Closed)

呢間人氣嘅茶飲店NUTTEA位於鰂魚涌港島東商業區，頗受OL歡迎，原因係呢度嘅奶蓋唔係好似出邊一般嘅茶飲店用奶精或用鮮奶製作～～用上5種不同嘅果仁所製成嘅堅果奶，堅果奶用上嘅果仁包括左杏仁，核桃，榛果，夏威夷果仁同埋腰果。我哋呢次叫左兩杯分別係繽紛火龍果堅果奶蓋茶同埋草莓堅果奶蓋茶，店員落單時會細心詢問不同嘅甜度同冰度，而有啲則固定甜度和冰度係因為想做到令客人滿意嘅口感和味道。先講士多啤梨，茶底有勁多果肉，好好飲 再加埋個奶蓋好正奶蓋好企身，而且超重榛果味，覺得好似食緊繽紛樂咁😂😂 至於朋友既火龍果，好清甜～ 呢度每杯鮮果嘅茶飲都係用上新鮮嘅生果打磨出嚟，有著天然嘅味道，而呢度嘅糖都係自家熬製而成，無任何加工，突顯出茶飲嘅完美口感和味道。