素某

Open Now

Now Closed

素食者福音！剛剛經開灣仔謝斐道發現有一間新開嘅素食店而且裝修同埋食物都係新派有別於傳統齋舖，所以就忍唔住入去試吓。試咗佢哋個午餐。外觀精美，雖然素食但係都好夠飽！包嘢飲，點心，輕食，同一個甜品。點心就試咗佢哋個梅漬車厘茄。酸酸地非常開胃。個素面係粉紅色望絡已經非常特別，再配唔同蔬菜令到口感更加豐富。不得不讚佢哋杯茶latte真係好好飲！佢哋有四個茶底，我今次就試咗佢哋個花香生烏龍茶底嘅Latte。平時多數都飲咖啡latte好少飲茶latte，但原來茶味都非常出色，如果有機會下次都會試埋佢哋其他唔同嘅茶底。灣仔區個頭開咗越來越多唔同嘅素食餐廳，對於想食得清清地嘅朋友真係非常推薦！