無肉食 (Closed)

食咗咁多日油膩嘢，今日長老佢哋話要去食齋，於是去咗將軍澳呢間素食自助餐。入到去裏面，座位全部都係綠色，好似真係好齋🤣座位好寬敞，枱同枱之間一啲都唔迫，我哋揀咗坐卡位，好舒服。發現都有唔少齋菜選擇，職員每隔一陣時間就會倒啲熱辣辣嘅食物出嚟，服務唔錯！自助餐實在太多嘢食，推介幾款自己喜歡嘅食物，我比較喜歡炸物，呢度啲炸物皮比較薄，感覺比較健康。炸茄子、炸秋葵都係我最愛。碗仔翅好足料，有金菇、冬菇、蘿蔔絲、雲耳絲，個翅一啲都唔稀，味道香濃，好好味！濃香瘦肉粥，個粥又熱又綿，誠意推介。