Video
Read full review
2020-12-30
937 views
黎過幾次綠匯學院，每次都係黎上堂，烹飪班同種植班都上過，所以都叫做試過慧食堂既出品，不過就從未試過認認真真坐喺餐廳入面食野。綠匯學院講求低碳生活，會盡量用在地食材，而佢地後院亦有塊細細既田可以種唔同農作物，令大家可以試到時令既蔬菜。唔講唔知，其實畜牧業既碳排放係遠高過各種交通工具碳排放既總和，所以如果要低碳，一定要少肉。作為推廣低碳生活既餐廳，慧食堂所有食物都係純素，完全冇肉同埋蛋奶。慧食堂既開放時間唔長，唔會做晚市，而午市亦都宜趁早黎，如果唔係好多食物都會sold out。食客可以揀午餐或者輕餐，午餐可以喺餐牌揀四款食物，輕餐就揀三款，另外都可以加錢要多幾款。我地叫左兩個午餐，第一個有紅米飯伴青醬、果仁素丸子、香草烤蔬菜、同埋紅菜頭漢堡扒。青醬係用葵花籽同韭菜製成，同平時食既pesto sauce完全兩個味道，撈埋飯食都相當夾。紅菜頭藜麥漢堡扒既顏色冇平時咁紅，職員話係用左一隻冇咁紅既紅菜頭，唔知冇咁紅既紅菜頭係咩色架呢。我平時唔太鐘意食紅菜頭，因為佢有陣鐵鑄咁既味，但整左做漢堡扒又冇左果陣味。果仁素丸子用左葵花籽同腰果等既果仁，配埋個自家製淋醬好好食。有時雖然係食素，但感覺都冇乜食
慧食堂既開放時間唔長，唔會做晚市，而午市亦都宜趁早黎，如果唔係好多食物都會sold out。食客可以揀午餐或者輕餐，午餐可以喺餐牌揀四款食物，輕餐就揀三款，另外都可以加錢要多幾款。
我地叫左兩個午餐，第一個有紅米飯伴青醬、果仁素丸子、香草烤蔬菜、同埋紅菜頭漢堡扒。青醬係用葵花籽同韭菜製成，同平時食既pesto sauce完全兩個味道，撈埋飯食都相當夾。紅菜頭藜麥漢堡扒既顏色冇平時咁紅，職員話係用左一隻冇咁紅既紅菜頭，唔知冇咁紅既紅菜頭係咩色架呢。我平時唔太鐘意食紅菜頭，因為佢有陣鐵鑄咁既味，但整左做漢堡扒又冇左果陣味。果仁素丸子用左葵花籽同腰果等既果仁，配埋個自家製淋醬好好食。有時雖然係食素，但感覺都冇乜食到菜咁，所以叫返個香草烤蔬菜就啱哂。
第二份午餐重覆左兩款食物，另外兩款係甜辣木瓜伴醬同涼拌珊瑚藻黑木耳。甜辣木瓜伴醬好開胃，酸酸甜甜之餘仲有少少微辛，似啲中東既味道。
涼拌珊瑚藻黑木耳都係一道開胃菜，自家製既芝麻涼伴醬夠哂light。
食完正餐仲有甜品食，我地揀左青檸薑批，細細件兩個人分啱啱好。糕身係用腰果、薑同青檸整，餅底就係啲果仁。薑既味道都幾重，青檸就有少少中和作用，加左啲清新感。
食飽飯仲可以喺餐廳出面既草地坐下，曬下太陽，之後又可以去鋪頭買啲環保用品同素食食材。依家因為疫情冇得去旅行，不妨黎綠匯學院行下，當係個小旅行都幾好架。
Post
