Video
Read full review
2021-07-14
1211 views
母親節帶媽媽食下好野，本身想去食MA，但唔知啱唔啱媽媽胃口，始終啲法式野同raw food唔係人人啱，所以帶左佢黎食POP vegan。以前都同佢黎食過，好在POP vegan不時都會update menu，所以都keep住可以試新野。Buffalo Wings其實係椰菜花，睇樣真係估佢唔到。啲椰菜花切到一舊舊之後拎去炸，再撈返個Buffalo Wings既醫汁，口感當然唔會expect有雞既口感啦！我本身未食過Bufflo Wings，唔知個味應該係點，依個食落原來都幾辣，好惹味。Smoked Tuna Pizza係薄批﹐脆脆地幾香口。Pizza鋪左滿滿既沙律菜，啲素吞拿魚稍為醃過，陣煙燻味好正。依度既食物味道都幾濃，叫一個Quinoa Salad中和下都唔錯。材料新鮮，有羽衣甘藍、橙、蕃薯同紅石榴等，簡單配個黑醋汁，食落非常清新。Bak Kut Teh with Bread Stick係素肉骨茶，配左一小碗飯同炸麵包條。肉骨茶好足料，有素肉丸、蘿蔔、粟米仔、冬菇、白木耳，藥材味稍為濃左少少，同埋唔係幾夠鹹，平衡下兩個味會好啲。炸麵包條如果可以用油炸鬼取代就好。African Chi
Buffalo Wings其實係椰菜花，睇樣真係估佢唔到。啲椰菜花切到一舊舊之後拎去炸，再撈返個Buffalo Wings既醫汁，口感當然唔會expect有雞既口感啦！我本身未食過Bufflo Wings，唔知個味應該係點，依個食落原來都幾辣，好惹味。
Smoked Tuna Pizza係薄批﹐脆脆地幾香口。Pizza鋪左滿滿既沙律菜，啲素吞拿魚稍為醃過，陣煙燻味好正。
依度既食物味道都幾濃，叫一個Quinoa Salad中和下都唔錯。材料新鮮，有羽衣甘藍、橙、蕃薯同紅石榴等，簡單配個黑醋汁，食落非常清新。
Bak Kut Teh with Bread Stick係素肉骨茶，配左一小碗飯同炸麵包條。肉骨茶好足料，有素肉丸、蘿蔔、粟米仔、冬菇、白木耳，藥材味稍為濃左少少，同埋唔係幾夠鹹，平衡下兩個味會好啲。炸麵包條如果可以用油炸鬼取代就好。
African Chicken係我長期至愛，由開業到依家一直喺menu上面。用黎扮雞既猴頭菇好滑同嫩口，真係好似食緊雞咁！除左椰汁之外，仲有好濃烈既香料味，好有異國風情。我本身又係冇食過非洲雞，唔知係咩味，Google完先知原來佢係來自澳門。
甜品menu上面多左好多野揀呀，Oat Tiramisu係必叫既。依度既Tiramisu用左燕麥奶整，好creamy，又夠挺身唔會濕dat dat咁。另外仲可以order成個，開party同朋友分享就最好不過。
Creme Brulee Tart都唔錯，份量夠哂大，可以share食。個燉蛋既味有少少artificial，應該係落左雲尼拿香油，相比之下tiramisu就出色好多。
因為限聚令，一枱6人之間加左塊膠板，全餐廳啲野食係咁遞黎遞去，個畫面都幾搞笑。埋單大概二百幾蚊，以蘇豪區黎講都唔算貴，最緊要媽媽食得開心就得。
Post
