Mirror & Vegan Concept (Closed)

上次黎Mirror冇左我每次必食既芝士焗長通粉，不過就多左個機會試下其他口味，食左個我都好鐘意既忌廉芝士手工意粉。不過我始終都係對個長通粉念念不忘，終於等到佢come back喇！一入lift就見到個menu，超開心落完order就送上左沙律，之後就係餐湯同蒜蓉包。佢地個蒜蓉包真係超好味，焗得恰到好處，唔會太硬刮親個嘴仔，蒜蓉味夠哂香濃。南瓜湯好足料，濃稠度適中，飲落啖啖南瓜味。終於等到我最愛既芝士焗野菌香草醬長通粉喇。咁耐冇見，都發覺到佢有少少唔同，就係啲醬汁比以前少左。有啲人覺得好似偷工減料，但我就覺得依個做法係正確既，因為之前既醬汁比較多，如果食哂會有啲漏，依家調整左個份量就啱啱好。依個長通粉最吸引人之處就係佢既vegan cheese，香濃既味道直情勝過有奶既cheese。最後黎多杯咖啡，成個午餐就perfect。Mirror長期都只有一個店員負責店面所有工作，set枱、落order，上餐同收錢都係佢，雖然鋪仔細細唔多位，但都感受到佢有幾忙。雖然一腳踢，但佢就跟得好足，比人好好服務既感覺，值得一讚。