龍皇酒家 (世貿中心) (Closed)

老板每星期都約老母飲茶，但當天老夫人不舒服，但枱訂了，由我頂上。 看見紫薯壽桃包＄20，金晴火眼當然發光，未曾見過，梗要點。 其它點心又無興趣，龍皇一品炒飯＄108，不要以為海鲜集會炒飯，但食評個個都讚，我唔埋有乜料，有橄欖菜就叫，瑤柱絲不像食評的相片那麽多，蝦干亦無影，但啱老板～對蝦敏感，米飯粒粒分明軟綿，吸收蛋白香，菜心甜爽及橄欖菜咸鮮，做就惹味炒飯，阿婆愛咸㗳，食到舐舐脷！ 見到侍應拿着一籠壽桃包俾隔離枱，食客無帶口罩話不是他們，心想一定轉頭俾我吔，果然真係，如果該食客有病，經佢一講，噴咗口水落去……老板話咁高温熱辣辣，抹吓無事咯！ 搣開不像樣，不是紫薯，係蓮蓉，我的紫薯在那兒？想取消，老板話算，照要喎，有點失望，接受啦，外皮粉質軟彈，但蓮蓉，蛋黃又少，點心纸的月亮，被抹走了。 最後當然要叫蛋白杏仁茶＄29，較細碗，滿滿厚厚蛋白多過茶，茶滑到好似奶，稠，所以我不甚喜歡，甜度適宜。