Video
Read full review
2022-08-16
129 views
餐廳：柏 (尖沙咀)地址：尖沙咀亞士厘道22號好利時大廈地舖尖沙咀亞士厘道呢間日式居酒屋餐廳——柏 @kashiwahk 開咗大概九個月🏮，入到餐廳有一份好舒適寧靜嘅感覺🍃，彷彿係柏樹之下聽住潺潺流水聲，仲安排我哋坐有竹簾隔住嘅日式包廂，咁嘅環境食住令人好懷念嘅日本美食真喺一流🇯🇵佢哋每日有唔同嘅日本飛機貨🛫，主打各樣時令海鮮🦐，串燒嘅用料仲唔馬虎，唔少都喺日本返貨或者餐廳大廚自己親手去整，相當有心思💕平日嘅晚市過咗嚟食呢個御膳二人前，唔使自己煩諗食咩，就好似Omakase咁，有沙律🥗、刺身、串燒、季節料理、壽司🍣、鯛魚湯同甜品，兩個人先$980加一，平過好多出面日式壽司店食到嘅Omakase😍✝️精選沙律用咗手拆毛蟹蟹肉🦀、嫩豆腐、沙律菜、蟹籽、蕃茄仔整成蟹肉豆腐沙律🥗，加上胡麻醬，簡單嘅沙律因為毛蟹蟹肉而頓時變得高級好食😋✝️時令刺身3點時令刺身相當新鮮，喺啱啱飛機返貨嘅巨人八爪魚🐙、油甘魚同深海池魚。特別推介赤紅色邊邊加上雪白魚肉嘅巨人八爪魚，一片有成半隻手掌咁大🖐️，味道雖然清淡，但口感爽脆彈牙，非常有咬口，肉汁仲好多又夠清甜💦✝️串燒 5點串燒有牛舌👅、雞腿肉🐓、雞腎、手羽先同蘆筍，
地址：尖沙咀亞士厘道22號好利時大廈地舖
尖沙咀亞士厘道呢間日式居酒屋餐廳——柏 @kashiwahk 開咗大概九個月🏮，入到餐廳有一份好舒適寧靜嘅感覺🍃，彷彿係柏樹之下聽住潺潺流水聲，仲安排我哋坐有竹簾隔住嘅日式包廂，咁嘅環境食住令人好懷念嘅日本美食真喺一流🇯🇵
佢哋每日有唔同嘅日本飛機貨🛫，主打各樣時令海鮮🦐，串燒嘅用料仲唔馬虎，唔少都喺日本返貨或者餐廳大廚自己親手去整，相當有心思💕
平日嘅晚市過咗嚟食呢個御膳二人前，唔使自己煩諗食咩，就好似Omakase咁，有沙律🥗、刺身、串燒、季節料理、壽司🍣、鯛魚湯同甜品，兩個人先$980加一，平過好多出面日式壽司店食到嘅Omakase😍
✝️精選沙律
用咗手拆毛蟹蟹肉🦀、嫩豆腐、沙律菜、蟹籽、蕃茄仔整成蟹肉豆腐沙律🥗，加上胡麻醬，簡單嘅沙律因為毛蟹蟹肉而頓時變得高級好食😋
✝️時令刺身3點
時令刺身相當新鮮，喺啱啱飛機返貨嘅巨人八爪魚🐙、油甘魚同深海池魚。
特別推介赤紅色邊邊加上雪白魚肉嘅巨人八爪魚，一片有成半隻手掌咁大🖐️，味道雖然清淡，但口感爽脆彈牙，非常有咬口，肉汁仲好多又夠清甜💦
✝️串燒 5點
串燒有牛舌👅、雞腿肉🐓、雞腎、手羽先同蘆筍，啱啱新鮮熱辣燒起🔥。
燒到微微焦脆嘅牛舌邊邊，配上爽彈柔嫩嘅舌芯，陣陣牛香隨住咬落去飄散喺口腔嘅每一個角落🤤；手羽先有兩串，將原隻雞翼拆件再串入竹籤裡面，食都食得方便好多，食落雞皮薄脆有雞嘅脂油香🐔，肉質嫩滑多汁，帶有陣陣黑椒同椒鹽香☺️
✝️季節料理
是日季節料理喺野菌蒜蓉牛油炒帶子，將原隻日本帶子切片，用冬菇🍄、野菌、洋蔥🧅、蘆筍配料炒香，加上蒜蓉、牛油🧈、黑椒等香料調味，帶子炒得好軟嫩唔似平時一絲絲爽彈嘅感覺，味道鹹香惹味
✝️壽司8貫
壽司有深海池魚、金目鯛、三文魚、大拖羅、依左目、赤貝、元貝同真鯛，望落賣相一般不過食落令我刮目相看🤩。特別喺飽滿香甜嘅元貝；
加咗薑花、有清鮮彈牙肉質嘅依佐目；同埋脂香味重嘅大拖羅。不過二人套餐兩個人除非真係每件一人食半舊，如果唔係都幾難試勻每一款壽司🤪
✝️鯛魚湯
呢個鯛魚湯喺Kashiwa嘅熱賣料理之一⭐️，點解咁受歡迎？打開湯蓋就聞到鮮甜魚香🐟，加咗豆腐粒同香蔥係湯裏面，奶滑口感Double Up👍，最重要滑得嚟充滿濃郁鮮魚香，完全無任何腥味👏
✝️甜品
最後嘅甜品喺豆腐雪糕🍨，綿滑嘅口感配上細膩香甜嘅豆腐香，為呢個御膳二人前寫上甜蜜句號🥰
✝️大船渡岩蠔 $88
套餐之外另外叫咗個時令大船渡岩蠔🦪，見到肥美飽滿嘅蠔肉，未食都知道好味😆，入口即溶而且Creamy有豐富海水香🌊，非食不可👻
Post
