Video
Read full review
2019-04-19
1649 views
今日Boss心情好，帶我去中環一間日式料理～瀧～，睇個門口已經覺得好高級了，坐在廚師面前睇住廚師逐道逐道菜為客人上，廚師再會同客人溝通互動。Boss叫了兩份商務套餐，睇餐牌似是Omakase，由廚師去決定送上時令食物比客人，所以都唔知會上咩食物，多了一份期待感。前菜三件，日本魚蛋、芝麻醬海蜇、魚仔合核。日式魚蛋有淡淡的清甜味，而且彈牙。海蜇好爽口，合核魚仔甜甜地，整體賣相好精緻。刺身三款～吞拿魚、油甘魚、帆立貝，每樣2件，每款都好新鮮鮮甜，用來裝刺身的鐵盤都好冰凍，確保刺身保存在冰凍的溫度。接著送上的是天婦羅系列，睇著廚師一件件的製作，細心的夾為客人送上。餐廳為客人準備了幾款調味，最左邊的是白鹽～點海鮮用、芥末鹽、檸檬汁是根據個人喜好，而蘿蔔蓉是跟蔬菜類天婦蘿一齊食（1）炸蝦～蝦落油炸前，廚師先為蝦鬆身、做熱身，炸好的蝦身脹卜卜，彈牙，食得出的一份鮮甜味。（2）甘鯛～是一款魚，上面會見到有一塊塊魚鱗，魚質鬆化，魚鱗位置同樣都可以食得。（3）公魚，魚身炸到成條魚身識得企身，放左碟上可展現整條魚游水的姿態，食法是由頭部食到尾部，非常鬆脆。（4）鮑魚，第一次食天婦羅式的鮑魚，鮑魚是好新鮮，有
今日Boss心情好，帶我去中環一間日式料理～瀧～，睇個門口已經覺得好高級了，坐在廚師面前睇住廚師逐道逐道菜為客人上，廚師再會同客人溝通互動。Boss叫了兩份商務套餐，睇餐牌似是Omakase，由廚師去決定送上時令食物比客人，所以都唔知會上咩食物，多了一份期待感。
前菜三件，日本魚蛋、芝麻醬海蜇、魚仔合核。日式魚蛋有淡淡的清甜味，而且彈牙。海蜇好爽口，合核魚仔甜甜地，整體賣相好精緻。
刺身三款～吞拿魚、油甘魚、帆立貝，每樣2件，每款都好新鮮鮮甜，用來裝刺身的鐵盤都好冰凍，確保刺身保存在冰凍的溫度。
接著送上的是天婦羅系列，睇著廚師一件件的製作，細心的夾為客人送上。餐廳為客人準備了幾款調味，最左邊的是白鹽～點海鮮用、芥末鹽、檸檬汁是根據個人喜好，而蘿蔔蓉是跟蔬菜類天婦蘿一齊食（1）炸蝦～蝦落油炸前，廚師先為蝦鬆身、做熱身，炸好的蝦身脹卜卜，彈牙，食得出的一份鮮甜味。
（2）甘鯛～是一款魚，上面會見到有一塊塊魚鱗，魚質鬆化，魚鱗位置同樣都可以食得。
（3）公魚，魚身炸到成條魚身識得企身，放左碟上可展現整條魚游水的姿態，食法是由頭部食到尾部，非常鬆脆。
（4）鮑魚，第一次食天婦羅式的鮑魚，鮑魚是好新鮮，有一種鮮甜味，而且好有彈性。
（5）炸迷你甜粟、南南瓜，加一些蘿蔔蓉一起食，會添加一份菜蔬的甜味。
汁煮魚鮫，魚鮫是魚旗游泳的位置，汁煮冬菇和魚鮫都好入味，帶有甜甜的味道，而魚鮫好嫩滑啖啖肉，味道唔錯。
天婦羅什菜蝦餅飯配味噌湯，天婦羅蝦餅同樣是剛剛新鮮炸起，蝦餅的肉質彈牙，仲要粒粒的南瓜粒，飲埋湯覺得好滿足！
最後的甜品是黑糖蕨餅，有清香的黑糖味，又唔會好甜，唔錯的甜品。
Omakase 除了可以食到廚師發辦的時令新鮮食物外，還可以食到一些從未食過的食物及認識食物的食法、放慢腳步，睇住廚師一道一道菜的製作，細味欣賞食物的味道，真的好似上了一課料理課。
Post
