Video
Read full review
2016-05-05
1379 views
係奧運站上蓋物業探望朋友之後, 傾到咁上下, 就走到奧海城高尚食府「穴」, 品嚐一下高質日本食物。一餐嘅開始, 先有章紅魚薄切黑松露帶子配沙津。整碟前菜嘅感覺相當清新, 爽口嘅生菜在帶有微酸嘅沙津醬汁帶領下, 顯得份外好食。而日本刺身, 質素同樣上乘, 章紅魚魚質細嫩, 魚香味濃; 帶子口感十足, 質感彈牙, 再配合黑松露醬提味之下, 效果一流!接著有飽肚又而味美嘅芝士青瓜鰻魚卷物。份量絕不孤寒, 而鰻魚經過蒲燒之後, 醬汁留在鰻魚身上及壽司飯上, 非常之惹味, 加上卷物中間嘅芝士, 軟綿得黎又跟卷物相當合拍, 絕對值得推介。炸物方面我地要左薯絲蝦佐蛋黃他他醬。炸得金黃香脆嘅外表固然吸引, 黃金蝦質地彈牙, 薯絲香脆, 加點些蛋黃醬, 實為非常好享受!另外有兩款肉食串燒: 雞肉大蔥串、 鵝肝釀雞翼。前者香蔥味非常濃, 燒過嫩滑嘅雞肉亦吸收左香蔥嘅味道, 效果非常之好; 而鵝肝釀雞翼亦不得不試, 雞翼內釀有鵝肝, 經過大廚悉心燒烤下, 外皮香脆吸引, 而內裡啖啖肉之外, 肉汁相當之豐盛, 令美味程度加分!最後有一客綠茶雪糕, 味道跟日本當地食到差不多。味道唔會太苦澀, 而有適量嘅奶味,
一餐嘅開始, 先有章紅魚薄切黑松露帶子配沙津。整碟前菜嘅感覺相當清新, 爽口嘅生菜在帶有微酸嘅沙津醬汁帶領下, 顯得份外好食。而日本刺身, 質素同樣上乘, 章紅魚魚質細嫩, 魚香味濃; 帶子口感十足, 質感彈牙, 再配合黑松露醬提味之下, 效果一流!
接著有飽肚又而味美嘅芝士青瓜鰻魚卷物。份量絕不孤寒, 而鰻魚經過蒲燒之後, 醬汁留在鰻魚身上及壽司飯上, 非常之惹味, 加上卷物中間嘅芝士, 軟綿得黎又跟卷物相當合拍, 絕對值得推介。
炸物方面我地要左薯絲蝦佐蛋黃他他醬。炸得金黃香脆嘅外表固然吸引, 黃金蝦質地彈牙, 薯絲香脆, 加點些蛋黃醬, 實為非常好享受!
另外有兩款肉食串燒: 雞肉大蔥串、 鵝肝釀雞翼。前者香蔥味非常濃, 燒過嫩滑嘅雞肉亦吸收左香蔥嘅味道, 效果非常之好; 而鵝肝釀雞翼亦不得不試, 雞翼內釀有鵝肝, 經過大廚悉心燒烤下, 外皮香脆吸引, 而內裡啖啖肉之外, 肉汁相當之豐盛, 令美味程度加分!
最後有一客綠茶雪糕, 味道跟日本當地食到差不多。味道唔會太苦澀, 而有適量嘅奶味, 非常啱香港人口味!
Post
