Video
Read full review
2019-11-10
125 views
終於到我食大閘蟹啦 肥妹仔喺英國返嚟，真係好掛住中菜。因為喺英國真係冇啖好食。返到嚟肥媽媽為咗一解我嘅為食口，就同我去食呢一間紅樓。咁啱撞正大閘蟹季節，所以我哋今餐就試咗唔同嘅蟹粉菜式。蟹粉拌麵 $138我同肥媽每人叫咗一個蟹粉拌麵，因為驚唔夠飽。佢嘅蟹粉拌麵上面全部鋪滿曬蟹肉同埋蟹膏，超濃嘅蟹味。佢嘅拌面係有似少少似食雲吞嗰隻厚版嘅鹼水麵，但係佢嘅麵條就煮到好軟淋，再加埋佢哋嘅醬汁，每一條都好嫩滑，撈上蟹粉同蟹肉食，鮮味十足，超好食。蟹粉排翡翠苗 $168健康人生，食飯一定要叫一碟菜。肥妹仔叫咗呢一份翡翠苗，翡翠苗非常新鮮嫩滑， 一啲都冇渣，再拌上無敵嘅蟹粉，真係每一啖都蟹味十足。蟹粉豆腐 $168呢一碟蟹粉豆腐真係送飯必備。肥妹仔真係好後悔冇叫一碗白飯嚟食，因為豆腐嫩滑，再加埋佢嘅蟹粉醬汁，真係非常之鮮同濃味。肥妹仔可以撈一碗白飯嚟食。蟹粉河蝦仁 $248肥妹仔仲叫咗呢一個蝦仁，因為肥妹仔覺得好想試下佢。佢嘅蝦仁好大隻，而且粒粒嘅肉質好結實，係新鮮嘅貨色，完全唔似雪藏嘅味道 。原來蝦同埋蟹係好夾嗰種味，係你食得出蝦仁嗰種蝦嘅鮮味，但係同時蟹粉係一種畫龍點睛，重加突出海鮮嗰種
蟹粉拌麵 $138
我同肥媽每人叫咗一個蟹粉拌麵，因為驚唔夠飽。佢嘅蟹粉拌麵上面全部鋪滿曬蟹肉同埋蟹膏，超濃嘅蟹味。佢嘅拌面係有似少少似食雲吞嗰隻厚版嘅鹼水麵，但係佢嘅麵條就煮到好軟淋，再加埋佢哋嘅醬汁，每一條都好嫩滑，撈上蟹粉同蟹肉食，鮮味十足，超好食。
蟹粉排翡翠苗 $168
健康人生，食飯一定要叫一碟菜。肥妹仔叫咗呢一份翡翠苗，翡翠苗非常新鮮嫩滑， 一啲都冇渣，再拌上無敵嘅蟹粉，真係每一啖都蟹味十足。
蟹粉豆腐 $168
呢一碟蟹粉豆腐真係送飯必備。肥妹仔真係好後悔冇叫一碗白飯嚟食，因為豆腐嫩滑，再加埋佢嘅蟹粉醬汁，真係非常之鮮同濃味。肥妹仔可以撈一碗白飯嚟食。
蟹粉河蝦仁 $248
肥妹仔仲叫咗呢一個蝦仁，因為肥妹仔覺得好想試下佢。佢嘅蝦仁好大隻，而且粒粒嘅肉質好結實，係新鮮嘅貨色，完全唔似雪藏嘅味道 。原來蝦同埋蟹係好夾嗰種味，係你食得出蝦仁嗰種蝦嘅鮮味，但係同時蟹粉係一種畫龍點睛，重加突出海鮮嗰種鮮味。
呢一餐肥妹仔係食到好滿足，好開心。除咗佢嘅菜式好好食之外，最令肥妹仔滿足係佢嘅景色超靚。肥妹仔食過咁多間餐廳，都未試過望住 港島半山嚟食飯，淨係畀錢去買呢一個景食飯，肥妹仔都覺得值得。
Post
