Video
Read full review
2022-05-17
709 views
❀ 素年 #深水埗 ❀❗️終於到訪呢間人氣素食Cafe❗️——————————————————呢間素食Cafe相信大家都唔陌生，開業幾年而且越開越多分店，獲得唔少好評，Book mark咗咁耐終於有機會同朋友一齊試😂餐廳所有食品都係素食，但係款式種類多多，包括漢堡包、咖喱飯、意粉等等，驟眼望唔覺得係素，味道仲要幾好💓今次去咗本店，環境其實相對冇咁靚，亦比較細，只有約四五張枱，其餘嘅分店反而會相對靚啲。.✷𝑀𝑒𝓃𝓊✷☞ 四人不可能漢堡套餐 $658四個人一齊食所以叫咗呢個四人晚市套餐，除翻開每人都只係百幾蚊，好抵食。.♥ 芥籽香蒜烤大啡菇因為當日已經售罄，所以轉咗做米通，表面再加咗菠蘿蔬菜等等。.♥ 香芋番薯波波 (4/5)幾出色嘅炸波波球😆外層香脆，再帶點煙韌，裏面包着大量芋頭餡料，夠厚身綿滑，不過芋頭味當然就唔夠台灣嗰啲咁強烈。.♥ 不可能芝士漢堡 (4/5)招牌菜之一✨漢堡扒用上植物肉，幾juicy，切開有少少粉嫩色，唔講都未必知係素！麵包有略為焗脆，再配上火箭菜、純素車打芝土、洋蔥，再加上意大利黑醋調味，唔會太膩，素漢堡來講算幾高質。伴碟嘅番薯條好好食，超級香脆仲要好甜🤤！.♥ 日式
❗️終於到訪呢間人氣素食Cafe❗️
——————————————————
呢間素食Cafe相信大家都唔陌生，開業幾年而且越開越多分店，獲得唔少好評，Book mark咗咁耐終於有機會同朋友一齊試😂餐廳所有食品都係素食，但係款式種類多多，包括漢堡包、咖喱飯、意粉等等，驟眼望唔覺得係素，味道仲要幾好💓今次去咗本店，環境其實相對冇咁靚，亦比較細，只有約四五張枱，其餘嘅分店反而會相對靚啲。
.
✷𝑀𝑒𝓃𝓊✷
☞ 四人不可能漢堡套餐 $658
四個人一齊食所以叫咗呢個四人晚市套餐，除翻開每人都只係百幾蚊，好抵食。
.
♥ 芥籽香蒜烤大啡菇
因為當日已經售罄，所以轉咗做米通，表面再加咗菠蘿蔬菜等等。
.
♥ 香芋番薯波波 (4/5)
幾出色嘅炸波波球😆
外層香脆，再帶點煙韌，裏面包着大量芋頭餡料，夠厚身綿滑，不過芋頭味當然就唔夠台灣嗰啲咁強烈。
香芋番薯波波
135 views
0 likes
0 comments
.
♥ 不可能芝士漢堡 (4/5)
招牌菜之一✨
漢堡扒用上植物肉，幾juicy，切開有少少粉嫩色，唔講都未必知係素！
麵包有略為焗脆，再配上火箭菜、純素車打芝土、洋蔥，再加上意大利黑醋調味，唔會太膩，素漢堡來講算幾高質。
伴碟嘅番薯條好好食，超級香脆仲要好甜🤤！
不可能芝士漢堡
97 views
0 likes
0 comments
.
♥ 日式咖喱吉列豬扒意大利飯 (4.1/5)
呢個咖喱幾有特色😆
咖喱走日式路線，甜甜地唔會辣。
飯粒應該係珍珠米，軟硬適中，每粒都比咖喱包圍着，再加埋蘋果片、蘆筍、雞髀菇同車厘茄，口感更加豐富，亦能夠減輕炸豬扒嘅油膩感。
炸豬扒同樣係用植物肉，口感會比一般豬扒散少少，但炸皮依舊香脆，有水準🔥。
日式咖喱吉列豬扒意大利飯
212 views
1 likes
0 comments
.
♥ 生酮純素沙律碗 (3.7/5)
正常沙律，大量沙律菜配上牛油果。
特別啲嘅係有埋炸豆腐。
生酮純素沙律碗
116 views
0 likes
0 comments
.
♥ 焦糖脆脆檸檬撻 (3.9/5)
甜品同樣係素食。
檸檬撻酸酸甜甜，外皮都幾香脆。
再配上焦糖脆脆。
好食不過冇乜特別驚喜😂。
焦糖脆脆檸檬撻
75 views
0 likes
0 comments
.
♥ 香蕉朱古力冧酒撻 (4.1/5)
呢個反而有驚喜啲，切開有幾種唔同嘅層次🤩。
先係脆皮朱古力，內裏再有冧酒朱古力漿同埋香蕉蓉，配埋香脆朱古力曲奇撻皮！
味道口感都更加豐富，不過就膩啲。
香蕉朱古力冧酒撻
130 views
0 likes
0 comments
.
♥ 任何四杯非酒精類飲品
另外每人可以嗌一杯非酒精飲品，佢哋都有唔少特色嘅花茶同埋果茶。
——————————————————
✨整體味道: 4/5
✨環境裝修: 3.5/5
✨服務態度: 3.5/5
✨性價比: 4.4/5
✨再訪興趣: 3.8/5
.
💞整體來講
以素食餐廳來講的確幾多選擇而且幾高質，難怪開業咁耐依然咁多捧場客😍食素都可以有好多選擇！未食過植物肉又或者一直都唔太鍾意植物肉嘅都可以嚟呢間試吓，可能會令你改觀。
Post
