倫哥火鍋私房菜 (Closed)

倫哥咁出名 但一直都未試過見朋友生日一於去試吓去到佢比啲四季豆同埋木耳做前菜之後有鮑魚同冬菇每人一件個鮑魚食得出唔係cheap野 好味仲會有個燉湯俾你潤一潤之後就會來個雞煲啲雞全部切到細細粒 可以食而且好入味等嘅時候亦都會有侍應幫你搞下啲雞份量極多 食完個雞煲已經飽左一半之後就轉湯底打邊爐 我哋揀咗蕃茄薯仔湯個湯完全食得出冇味精啲海鮮勁新鮮 樣樣都好大隻 食落好有鮮味牛肉亦都食得出唔係普通嘅肥牛 係牛頸脊可以任食嗰啲都好好味啲雲吞水餃墨魚滑都勁出色最後仲有個甜品 應該係燕窩奶凍 好滑最後真係飽到捧住個肚走