正宗上海生煎皇 (Closed)

本人好喜歡食上海菜，例如菜飯、糖醋排骨、粢飯、豆漿等等。之前喺大埔搵來搵去都冇一間上海菜比較正常。今日好幸運，經過一間新開小店，一於碰吓運氣，看看有沒有驚喜。小店地方很狹窄，枱不多，而且當時午飯時間，門面大排長龍，於是我索性外賣回家慢慢享受。見到有我至愛的「糖醋排骨菜飯」，當然即刻點了。午飯套餐仲可以揀一款小食，我選擇了佢嘅招牌菜：「生煎包」。「糖醋排骨」味道正常，可惜對我來說個汁酸了一些。排骨比較韌，相信是部位問題。「菜飯」方面，好正常，沒有驚嚇、沒有驚喜。「生煎包」果然是招牌菜，第一口咬，大家要小心，即刻爆汁！新鮮製，熱辣辣，非常美味。睇嚟以後我喺大埔，可以從此多一個選擇。