滾得棧

Open Now

Now Closed

點咗蝦餃、黑松露燒賣、芝士蝦春捲、 蒸魚肚、牛肉腸、芝麻卷、煎釀青椒， 點心價錢非常之便宜真係似一般外賣店唐x點心， 28蚊4小條蝦春捲裏面有一份唔夠1cm蝦包住厚實春卷皮非常之差， 芝麻卷淡而無味， 糖份唔夠亦冇黑芝麻香味， 牛肉腸上枱竟然係微暖腸粉皮厚厚， 冇味道，煎釀青椒青椒好似隔夜攞出嚟再翻熱咁咬落去淋bet bet。 一朝早打電話訂枱接聽男士非常有禮，去到時候員工都好有禮，加水亦都快， 回答也友善有禮。但係咩原因其他食評寫服務超差，發現女收銀員收款時候態度行為非常之差，所以我明白點解有人話佢地服務差，有害群之馬拖累。 天后舊區，附近幾間酒樓普遍都價錢超平，食物質素亦成正比。 燒賣外皮蒸到爛開， 調味不足冇味道。 可以當佢係唐x點心堂食有加一服務。