Video
Read full review
2009-08-15
87 views
忙到甩轆，返足十三日工未放過假，難得抽閒放工相約朋友去食串燒﹗食串燒就梗係去大圍串得起﹗呢度已經變左我同朋友既飯堂，一兩個星期就去幫趁一次吹水一番﹗最近佢地仲俾新假期訪問添，生意一定好左啦﹗沙田大圍區串燒店不多，所以地區報都搵佢地做訪問﹗一坐低先來串燒燒賣同紅腸先﹗最愛燒賣的外脆內軟，自在這兒吃過後我都不再吃街邊的蒸燒賣了﹗呢條就當然係食家話一定要點既烏頭啦﹗今次條魚黃油不多，不過佢地話燒得岩岩好，三個人異口同聲大叫好食，仲叫我寫好佢，我都唔食鬼知點寫咩﹗食串燒最好梗係飲啤酒﹗黑啤去對面士多就有得買喇﹗老闆話今日出土瓜灣街市入左新貨，就係大蜆同埋貴妃蚌，我梗係每樣叫番碟試下啦﹗燒大蜆一客四隻，好香呢﹗貝殼只要新鮮就點整都好吃﹗燒得不乾身，隻隻肥仔飽滿出哂水，加入蒜蓉令吃落更鮮甜味美，一人一隻唔夠喉﹗貴妃蚌好鬼大隻呢﹗加入左少少自家醬汁作調味提鮮，吃落多汁爽口﹗呢樣又係新野，燒原隻荷包魷﹗好鬼大隻，由於成隻魷魚彎多不平所以都幾鬼難燒好考功夫﹗睇住師傅一路燒一路搽上醬油，吃落味道相當鮮甜，魷魚味出眾未吃已陣陣飄香，魷魚怪吃了大半條﹗我地切了幾粒回家給大狗，佢吃得相當開心﹗除了新野外，舊既依
食串燒就梗係去大圍串得起﹗
呢度已經變左我同朋友既飯堂，一兩個星期就去幫趁一次吹水一番﹗
最近佢地仲俾新假期訪問添，生意一定好左啦﹗
沙田大圍區串燒店不多，所以地區報都搵佢地做訪問﹗
一坐低先來串燒燒賣同紅腸先﹗
最愛燒賣的外脆內軟，自在這兒吃過後我都不再吃街邊的蒸燒賣了﹗
呢條就當然係食家話一定要點既烏頭啦﹗
今次條魚黃油不多，不過佢地話燒得岩岩好，三個人異口同聲大叫好食，仲叫我寫好佢，我都唔食鬼知點寫咩﹗
食串燒最好梗係飲啤酒﹗黑啤去對面士多就有得買喇﹗
老闆話今日出土瓜灣街市入左新貨，就係大蜆同埋貴妃蚌，我梗係每樣叫番碟試下啦﹗
燒大蜆一客四隻，好香呢﹗
貝殼只要新鮮就點整都好吃﹗
燒得不乾身，隻隻肥仔飽滿出哂水，加入蒜蓉令吃落更鮮甜味美，一人一隻唔夠喉﹗
貴妃蚌好鬼大隻呢﹗
加入左少少自家醬汁作調味提鮮，吃落多汁爽口﹗
呢樣又係新野，燒原隻荷包魷﹗
好鬼大隻，由於成隻魷魚彎多不平所以都幾鬼難燒好考功夫﹗
睇住師傅一路燒一路搽上醬油，吃落味道相當鮮甜，魷魚味出眾未吃已陣陣飄香，魷魚怪吃了大半條﹗
我地切了幾粒回家給大狗，佢吃得相當開心﹗
除了新野外，舊既依然水準一流﹗
豬大腸改良了燒法，不乾身外脆內肥美香口﹗友人一人吃了一整串﹗
我愛吃的脆豆卜﹗
當然最好吃的呢度的原支超甜粟米，不是超市雪藏貨天天街市新鮮出品﹗
粟米粒粒飽滿鮮甜帶牛油香，如未飽我會叫多一支﹗
食家食咁多野都未飽，仲話要多碟海鮮炒烏冬自己食鬼哂，真大食﹗
來了好幾個月，今天終於俾我地見到聞名已久既貓姐姐﹗
佢成日來幫趁，仲會好出奇地帶埋佢兩隻可愛既貓仔來﹗帶狗出街成日見，帶貓出街真係第一次見呢﹗
左手面的是男仔安力卡，右手面的是大狗既同鄉老友蘇菲亞﹗
食家見到蘇菲亞即衝上去要抱，貓姐姐亦好樂意俾自己的愛貓大家觀摩一番﹗
兩隻貓貓都十分黐人，來者不拒，好想介紹蘇菲亞俾大狗識，睇下可唔可以撮合一對姻緣﹗
就係呢兩隻貓帶來一陣哄動，在串得起於一陣歡樂聲下作結﹗
同食家商量不如帶埋大狗來食魷魚同埋大蝦，不過諗諗下，如果佢來到瀨屎瀨尿就大鑊，最後都係打消左呢個念頭﹗
更多相:
http://hk.myblog.yahoo.com/smallsmalllin/article?mid=17438
Post
