Video
Read full review
2017-02-12
5515 views
因為見過好多人喺呢間龍蝦專門店打卡，見到啲相都好吸引，想食好耐，琴晚終於抽到時間同男朋友去試下，都幾期待！餐廳係樓上鋪，平日晚上時間，都有唔少人等位。一入門口就會見到出餐位置，裝潢簡簡單單，不過由於客人多 (我都唔係好方便影環境)，所以都有少少嘈~好快都安排座位，座位間都唔會話好逼，都坐得舒服~驟眼睇，佢地嘅枱比一般餐廳嘅長，可能因為擺盤比較佔位置~睇左餐牌，食物選擇意料之外幾多，除左招牌龍蝦，仲有沙律、小食 (大阪燒、薯條、雞肉烤餅)、串燒、意粉、意大利飯、肉眼扒、豬仔骨、烏冬、燴飯，仲有埋甜品！簡直係西式+日式混合，花多眼亂！由於我地第一次食，主力想食龍蝦，所以唔煩惱點龍蝦匯~由於我地見餐牌寫住「每日限量供應」，所以都預先問左店員今日有冇，店員話有，我地即點。龍蝦匯 $428龍蝦匯基本上包括兩款招牌：龍蝦包 ($188)、半隻烤蒜蓉牛油龍蝦 ($208)，加上一份龍蝦什錦海鮮石鍋湯烏冬/飯，配一小份炸薯條、炸蕃薯條，少量沙律菜，非常豐富！我見好多客人都係點呢個餐，兩個人會夠飽。yummy 擺盤精美，一上枱，我已經急不及待相機食先，仲即時send左相俾原本都想一齊食嘅朋友，哈哈！
一入門口就會見到出餐位置，裝潢簡簡單單，不過由於客人多 (我都唔係好方便影環境)，所以都有少少嘈~
好快都安排座位，座位間都唔會話好逼，都坐得舒服~驟眼睇，佢地嘅枱比一般餐廳嘅長，可能因為擺盤比較佔位置~
睇左餐牌，食物選擇意料之外幾多，除左招牌龍蝦，仲有沙律、小食 (大阪燒、薯條、雞肉烤餅)、串燒、意粉、意大利飯、肉眼扒、豬仔骨、烏冬、燴飯，仲有埋甜品！簡直係西式+日式混合，花多眼亂！
由於我地第一次食，主力想食龍蝦，所以唔煩惱點龍蝦匯~由於我地見餐牌寫住「每日限量供應」，所以都預先問左店員今日有冇，店員話有，我地即點。
龍蝦匯 $428
龍蝦匯基本上包括兩款招牌：龍蝦包 ($188)、半隻烤蒜蓉牛油龍蝦 ($208)，加上一份龍蝦什錦海鮮石鍋湯烏冬/飯，配一小份炸薯條、炸蕃薯條，少量沙律菜，非常豐富！我見好多客人都係點呢個餐，兩個人會夠飽。yummy 擺盤精美，一上枱，我已經急不及待相機食先，仲即時send左相俾原本都想一齊食嘅朋友，哈哈！
半隻烤蒜蓉牛油龍蝦
餐廳用嘅係加拿大波士頓龍蝦，幾好肉！
龍蝦匯
$428
42 views
0 likes
0 comments
龍蝦肉超爽口，食得出係新鮮！like 我只能用滿足嘅眼神望住男朋友，然後同佢講真係幾好食，叫佢快啲襯熱試~
半隻烤蒜蓉牛油龍蝦
52 views
0 likes
0 comments
半隻烤蒜蓉牛油龍蝦
102 views
1 likes
0 comments
由於用上蒜蓉牛油焗，所以一放入口都會有少少鹹~唧少少檸檬汁會好啲。
單點二百蚊而言，雖然話好肉，但都會覺得有少少貴，始終得半隻。所以叫呢份龍蝦匯點都抵啲！
龍蝦包
龍蝦包烘至暖身，兩邊金黃色。包質好軟熟，包心搽左牛油，好香。
龍蝦放喺包心位置，睇落已經啖啖肉，裡面仲有火箭菜~相對半隻龍蝦，包中嘅龍蝦肉調味冇咁濃烈，但依然係爽口非常。
龍蝦包
65 views
1 likes
0 comments
可能怕龍蝦包會較乾身 (事實上都唔會)，另外附上檸檬牛油汁，可以配麵包食。
檸檬牛油汁
57 views
0 likes
0 comments
炸薯條、炸蕃薯條
薯條佔9成，覺得蕃薯條幾好食，但只有幾條)，都係現炸，不過不失。
但套餐中嘅薯條冇醬，食起上黎比較dry。
唔似佢地一款單點嘅雙重炸薯條，會配3款口味醬汁，如果再黎，都想試下。
龍蝦什錦海鮮石鍋湯烏冬
石鍋熱辣辣，要注意~值得一提係，佢地係等客人食完龍蝦匯先送上烏冬，所以唔會食得好rush，亦都唔坐堆到啲野食成枱都係~
店員送過黎已經聞到好香，賣相唔錯！
鍋嘅份量都唔少，似日式烏冬，裡面有小蜆肉、青口、小蝦肉、蟹柳、粟米、木耳絲。
比較可惜係，龍蝦頭只係裝假狗，冇肉的，仲幾礙事，阻住夾烏冬，哈哈。
烏冬有嚼勁，又唔會煮得太腍身。
湯底龍蝦味濃郁，飲落唔算好杰身，雖然稍鹹，但都完全俾我地飲哂！
飲品方面，酒精、非酒精飲品例如cocktail都有提供，另外有梳打、沙冰、咖啡、茶等。
Pink Velvet $58
點左甜甜地嘅士多啤梨smoothie，不錯飲，唔會太甜，士多啤梨就冇辦法，多少會有啲人工。
整體黎講，我地都好滿意呢餐晚飯，食物質素都符合期望，招牌嘅龍蝦亦都食得好滋味，畢竟真係見過唔少人介紹。仲想約多幾個朋友黎，多人share會抵食啲，又可以試多幾款！
平日晚餐時間都較繁忙，店員雖然只有3個，但都照顧到客人需要~
Post
