雲南人家風味餐廳 (Closed)

講過會返兜，當然就唔係得個講字啦。今次黎，同上次一樣，好大陣蟲味（其實都唔肯定係咪蟲，但似）八點幾，豆花米線就黎無晒，好彩趕得切叫。首先黎杯凍檸茶，大大杯，幾好味。主角，佢係撈米線而唔係湯米線黎。豆花其實比較似係豆腐味、豆花樣，所以唔會一啖咸一啖甜，好好味！撈埋一齊食更加正。照舊，肥牛米線，都係咁好味，但應該係因為有咗上次經驗，今次比我嘅驚喜無一次咁大，但當然都係高質吧今次叫埋呢個小食，貼係牆上面寫住推介的。用羊奶做成，好大陣羊騷味，好濃。但口感略嫌有啲乾，如果有多少少漿感就好！$29同$30呢個價，可以食到咁好質素嘅米線，真係好正好正好正呢。