韓宮 (Closed)

準備去聽演唱會，係黃埔附近搵飯食，一出黃埔地鐵就見到間韓宮，比佢門口醬油蟹吸引🤩而且6點半就坐一半人，而且聽到其他食客係韓國人😊老闆娘應該韓國人，好熱情好有禮😊醬油蟹做緊推廣，社交平台訂坐就可以$68食到醬油蟹😋真材實料，唔會因推廣價就價，原隻蟹，醬油醃蟹肉鮮甜美十足，蟹殼膏加上生蛋𤏪紫菜飯，好好食😋食完蟹我地想食燒肉,我地都係牛摩王，所以都唔洗考慮，一於叫BBQ牛肉燒😋 好有特色擺盤😍就有4款不同牛，調味牛肋骨，本來都怕會帶甜，因韓國燒烤醃牛都會比較甜，但甘次食就完全唔覺甜，而且肉質好林，醃好好食😋牛五花，帶點肥肉，但一啲都唔覺膩，配上泡菜或者醃製過大豆牙，另一種食法👍牛小排，燒頂級牛肉，牛花好靚，肉質真係靚，牛肉味十足，又香又林😋套餐仲包湯飯或者炒韓國粉絲，食牛肉實在太滿足了，已經好飽，所以我地就點一個人參雞湯，人參味唔會太重，但雞味好正，食到飽湯都飲曬😋好地道韓國餐廳，醬油蟹跟BBQ燒牛肉，老闆娘話係屬頂級牛的，唔怪得咁好食