劉興記生煎包專門店

Open Now

Now Closed

之前食過呢間嘅生煎包，只可以外賣，或者企喺度食，原來而家已經可以堂食，見到忍唔住坐低食個下午茶。點咗兩個原味，兩個蟹黃生煎包，原味依舊爆汁，外脆內軟，最精彩當然係唔使咬，輕輕篤爛外皮，啲汁洶湧流出嚟，湯汁可以多到成個匙羹都係，真係非常犀利，真係好好味。未食過蟹黃味，一於試吓，爆汁方面冇原味咁多，不過多咗蟹嘅香味，而且蟹肉連同豬肉一齊食，鮮味加倍。蔥油拌麵只係$30 ，好大碗，豉油同埋蔥撈埋一齊，飽肚之選。由小店做到可以堂食，都一樣咁好食，難怪咁多年都咁受歡迎，連發哥都幫襯就知道一定好味啦。忍唔住自己食完，都要買番少少俾小朋友。