Video
Read full review
2022-09-02
166 views
呢排都幾鍾意同一大班朋友去食日本串燒，因為咁先可以試到好多種唔同嘅嘢，食少少又得，食好多又得，特別係食完一啲好地道嘅日本串燒，成個體驗就好似去咗個小旅行一樣。老公成日話棉登徑有一間串燒店幾好，佢講過幾次，但次次都冇預我。今日佢竟然同一大班朋友食嘅時候預埋我，終於可以試到呢間嘢。呢間叫木戶，原來呢度又係有個日本師傅駐場，六點幾去餐廳已經大半滿。福岡水果蕃茄，配上日本嘅岩鹽，幾有驚喜，不過如果就咁食過蕃茄都好甜，加唔加岩鹽就悉隨尊便。梅水晶係乜？你完全諗唔到呢樣嘢係乜嘢，加左梅子嘅鯊魚軟骨，配菜還有青瓜、紫菜，食法有多種，我個人覺得紫菜夾軟骨最好。福岡青椒肉味噌，肉味噌又無想像中咁鹹，送上青椒就對版。我勁期待炭燒日本鰻魚肝，真係冇食過呢樣嘢，估唔到個魚肝都幾大舊，送啤酒真係一流。我老公話厚燒牛舌好好 ，不過始終我個人覺得呢樣嘢食麻麻哋，我無食到，但佢好似食到不停。自家製雞肉丸配黃金蛋，雞肉丸相對較為硬身，相對有好多軟骨喺入邊，點上好有味道嘅黃金蛋，正。今晚嘅雞件都係用大王雞來做，一次過整咗幾種唔同嘅食物，大和雞腎、大和雞肝、大和雞腿肉。我個人最鍾意雞腿肉，肉汁豐富，又大件，我上次食過嘅香草
呢排都幾鍾意同一大班朋友去食日本串燒，因為咁先可以試到好多種唔同嘅嘢，食少少又得，食好多又得，特別係食完一啲好地道嘅日本串燒，成個體驗就好似去咗個小旅行一樣。
老公成日話棉登徑有一間串燒店幾好，佢講過幾次，但次次都冇預我。今日佢竟然同一大班朋友食嘅時候預埋我，終於可以試到呢間嘢。
呢間叫木戶，原來呢度又係有個日本師傅駐場，六點幾去餐廳已經大半滿。
福岡水果蕃茄，配上日本嘅岩鹽，幾有驚喜，不過如果就咁食過蕃茄都好甜，加唔加岩鹽就悉隨尊便。
梅水晶係乜？你完全諗唔到呢樣嘢係乜嘢，加左梅子嘅鯊魚軟骨，配菜還有青瓜、紫菜，食法有多種，我個人覺得紫菜夾軟骨最好。
福岡青椒肉味噌，肉味噌又無想像中咁鹹，送上青椒就對版。
我勁期待炭燒日本鰻魚肝，真係冇食過呢樣嘢，估唔到個魚肝都幾大舊，送啤酒真係一流。
我老公話厚燒牛舌好好 ，不過始終我個人覺得呢樣嘢食麻麻哋，我無食到，但佢好似食到不停。
自家製雞肉丸配黃金蛋，雞肉丸相對較為硬身，相對有好多軟骨喺入邊，點上好有味道嘅黃金蛋，正。
今晚嘅雞件都係用大王雞來做，一次過整咗幾種唔同嘅食物，大和雞腎、大和雞肝、大和雞腿肉。
我個人最鍾意雞腿肉，肉汁豐富，又大件，我上次食過嘅香草大王雞各有千秋。
香烤宮崎佐土原茄子本身幾期待，但係我覺得個茄子同平時嘅分別唔大。
韮菜芝士豚肉卷，加上了芝士後，多個層次，但係佢最出色嘅係嗰啲韭菜因為韭菜比較濃味，豚肉都冇佢咁搶。
老公最愛宮崎式雞腿肉炭火鐵板燒，加上柚子胡椒醬，平時佢喺Donki都會買一包現成嘅炭火雞肉食 ，自從佢喺福岡食完之後就愛上，炭火雞自己就咁食已經好好味，加上柚子胡椒醬又有另一層風味，呢個都係我自己個人覺得必點嘅美食。
總廚木村先生家族秘傳宮崎南蠻炸雞1956年，聽講呢個formula係由五十年代傳到而家，經歷咗咁多年嘅配方，我相信佢嘅炸雞一定有過人之處，佢唔會太過油膩，而且唔會太過乾身，依然保持有雞肉嘅肉汁，加上沙律醬同沙律菜，真係好食，必點之物。
尾聲來多個德島沙甸魚苗野澤菜飯糰，魚苗好特別，不過略嫌太少，但係食完個飯糰都會食到少少嘅魚香。
縱觀成餐表現都好精彩，下次再同幾個姊妹嚟食下。
Post
