川花烤魚

Open Now

Now Closed

入秋嘅天氣 就成日好想食啲熱辣辣嘅野 相約志同道合嘅朋友搵間裝修都幾溫馨嘅餐廳 餐廳係走而家好興嘅奶油簡約風 燈光 畫風 傢私都係比較柔和 木系感較重 成個環境令人覺得好舒服 重點係佢地冇限時🤩 可以一路食一路享受呢個氛圍 好唔錯👍🏻烤魚口味有成八款 都算多選擇 仲可以叫串燒 小食 小炒 飲品都不少選擇👍🏻 心大心細嘅我地都揀咗好一啲時間 不過餐廳員工都冇催我地落單 服務令人舒服 最後我地叫咗涼拌 串燒 烤魚 再打個邊爐🤭🍢大漢羊肉串 ～肉質口感軟腍 幾好味🍢燒雞軟骨串 ～香口惹味 只係略嫌沙嗲汁偏咸 烤汁較優勝🥒涼拌魚皮 ～爽口魚皮 配合薑絲青瓜絲 清新可口🥒涼拌萵荀 ～係一個開胃健康涼拌💛🥬魚湯浸娃娃菜 ～娃娃菜充滿魚湯味道 提升菜嘅清甜👍🏻🐟刴椒味烤魚(海鱸魚)呢個口味辣得黎帶少少酸 有獨特嘅風味 幾開胃 烤魚揀咗海鱸魚 外脆內嫩嘅口感 絕對唔會好快有個種油膩好重口味唔想再食嘅感覺👍🏻 接住打邊爐 叫咗響鈴 粉皮 丸 金菇 淮山片 .... 大部分都係索湯嘅食物 罪惡感滿滿😝 唔緊要 我地叫咗山楂楊梅茶&酸梅湯 非常解油膩👏🏻 戰鬥力不減🤭