正斗粥麵專家 (Closed)

寫食評屬剛起步，所以這一篇是關於較早年前的幫襯。雖然過氣，但尚未消氣, 仍要追擊這間店。上年入冬到正斗金廚，同女友叫個唔記得雞定排骨煲仔飯加其他點心小菜。煲仔飯等好耐至出場，由一位睇落好新人女侍應將送另碟上，然後裝两碗飯。點知食落生米到非常，立即通知一個黑衫女經理，佢亦隨即將煲飯收番入廚房。係佢衝入廚房后，我地發現先前裝個两碗飯同碟送未處理，於是再告知一個黑衫打呔肥佬經理，佢話：”咁我收走呢两碗飯啦，你唔係叫我同你倒番落去呀嗎？”，真係漲為之吹！咁豈不是因為你地廚房失誤，令我煲飯份量減少？最后，之前煲飯熟返黎，但係碟送已經涷哂！埋單時候女友睇睇，居然發覺我地不單被剝削两碗煲仔飯飯，仲無故加两個白飯！取消后零貼士走，由頭到尾冇道歉！服務零分，吃我一記靈丸罷啦！