Video
Read full review
2019-01-09
1596 views
今晚黎到佐敦呢座唔係好起眼嘅商業大廈, 估唔到會有一間咁有格調嘅餐廳｡餐廳室內雖然唔算好大, 但入到去嘅環境令人有好舒服嘅感覺, 因為餐廳嘅牆身同窗邊都放左好多真嘅小盆栽, 營造一個好 Relax 嘅小 Garden｡餐廳有 Dinner Set Menu, 提供 5 款主食選擇｡A La Carte Menu 上有頭盤、小食 & 主食｡另外仲有 4 款冷盤海鮮 Set｡香辣烤八爪魚職員建議要趁熱食, 否則八爪魚凍左食落會比較硬｡ 果然, 熱嘅八爪魚口感淋身得黎帶點煙韌, 味道微辣, 仲配有烤過嘅薯仔, 非常惹味｡炸里脊肉火腿卷里脊肉連同火腿 & 芝士卷成一條, 然後拎去炸, 外層非常香脆, 咬落去口感厚實, 里脊肉、火腿、芝士層層分明, 配埋底下特製蕃茄醬一齊食更加美味｡鮮刨黑松露牛肝菌雲吞超讚 香濃嘅黑松露味, 面頭仲有刨左嘅黑松露小片, 醬汁份量超多, 非常 Creamy, 黑松露味道濃厚, 醬汁沾滿晒成個雲吞, 勁 西班牙海鮮飯 作為西班牙菜嘅代表作, 呢度嘅西班牙海鮮飯真係好出色, 用上豪華海鮮材料鋪滿整個飯, 有龍蝦、蟹肉、大蜆、青口、大蝦 & 魷魚, 肉質超新鮮, 而且
餐廳室內雖然唔算好大, 但入到去嘅環境令人有好舒服嘅感覺, 因為餐廳嘅牆身同窗邊都放左好多真嘅小盆栽, 營造一個好 Relax 嘅小 Garden｡
餐廳有 Dinner Set Menu, 提供 5 款主食選擇｡
A La Carte Menu 上有頭盤、小食 & 主食｡
另外仲有 4 款冷盤海鮮 Set｡
香辣烤八爪魚
職員建議要趁熱食, 否則八爪魚凍左食落會比較硬｡ 果然, 熱嘅八爪魚口感淋身得黎帶點煙韌, 味道微辣, 仲配有烤過嘅薯仔, 非常惹味｡
炸里脊肉火腿卷
里脊肉連同火腿 & 芝士卷成一條, 然後拎去炸, 外層非常香脆, 咬落去口感厚實, 里脊肉、火腿、芝士層層分明, 配埋底下特製蕃茄醬一齊食更加美味｡
鮮刨黑松露牛肝菌雲吞
超讚 香濃嘅黑松露味, 面頭仲有刨左嘅黑松露小片, 醬汁份量超多, 非常 Creamy, 黑松露味道濃厚, 醬汁沾滿晒成個雲吞, 勁
西班牙海鮮飯
作為西班牙菜嘅代表作, 呢度嘅西班牙海鮮飯真係好出色, 用上豪華海鮮材料鋪滿整個飯, 有龍蝦、蟹肉、大蜆、青口、大蝦 & 魷魚, 肉質超新鮮, 而且個飯經特製熬成嘅湯汁煮熟後, 粒粒都呈橙黃色, 味道完全吸收晒海鮮嘅精華, 絕對係不能錯過嘅美食
Classic Tiramisu
Homemade Tiramisu 永遠都係賣飛佛, 味道唔會好甜, 而且咖啡味香濃, 食落去會有咖啡液滲出, 口感濃郁順滑, 大滿足 !
Post
