Video
Read full review
2023-09-09
687 views
講到九龍城 好多人諗到泰國菜 同 打邊爐，但係依間粗菜館絕對無Number one ! 佢有30年歷史，能夠穩守香港30年嘅絕非易事，實力不容忽視！招牌薑蔥炒豬雜$95如果100分滿分，我會比120分🥹🫶🏽 真係好香好惹味～ 最值得欣賞嘅係啲豬雜洗得好乾淨，冇異味，而且每件都切到細細件咁，一啖豬雜一啖蔥，真心正😋真係心機之作惠州梅菜扣肉 $90-餸飯食一流嘅菜式，老土啲都要講：肥而不膩，入口即溶。腍得黎又保留到嚼勁，梅菜好香，味道岩岩好。一個咁考功夫，咁需要時間去制作嘅菜式，只售$90真心覺得好平。蔡瀾鹹魚醬炒時菜（油麥菜） $85-油麥菜要大鑊炒先好味，家用電磁爐真係煮唔好食。我都係第一次試佢個鹹魚醬炒，本身怕好咸，但咸魚味香得黎小小咸咁好惹味，保留到青菜應有嘅清爽。豬油撈飯（細筒）$60-聽到豬油我諗好多人都怕，但係又唔係日日食，人一世物一世點都要試下，有啲野試左返唔到轉頭架！粗菜館嘅豬油好新鮮乾淨，無雜質，無油膱味，香口惹味，建議大家第一啖唔好落豉油住，細心感嚐豬油撈飯嘅香味，真係會令人沒齒難忘。平時食1碗飯嘅我可以食到2碗🤭皮蛋酸薑 $38- 每次幫襯必定會叫，我係酸薑皮蛋嘅死
佢有30年歷史，能夠穩守香港30年嘅絕非易事，實力不容忽視！
招牌薑蔥炒豬雜$95
如果100分滿分，我會比120分🥹🫶🏽 真係好香好惹味～ 最值得欣賞嘅係啲豬雜洗得好乾淨，冇異味，而且每件都切到細細件咁，一啖豬雜一啖蔥，真心正😋真係心機之作
惠州梅菜扣肉 $90-
餸飯食一流嘅菜式，老土啲都要講：肥而不膩，入口即溶。腍得黎又保留到嚼勁，梅菜好香，味道岩岩好。一個咁考功夫，咁需要時間去制作嘅菜式，只售$90真心覺得好平。
蔡瀾鹹魚醬炒時菜（油麥菜） $85-
油麥菜要大鑊炒先好味，家用電磁爐真係煮唔好食。我都係第一次試佢個鹹魚醬炒，本身怕好咸，但咸魚味香得黎小小咸咁好惹味，保留到青菜應有嘅清爽。
豬油撈飯（細筒）$60-
聽到豬油我諗好多人都怕，但係又唔係日日食，人一世物一世點都要試下，有啲野試左返唔到轉頭架！粗菜館嘅豬油好新鮮乾淨，無雜質，無油膱味，香口惹味，建議大家第一啖唔好落豉油住，細心感嚐豬油撈飯嘅香味，真係會令人沒齒難忘。平時食1碗飯嘅我可以食到2碗🤭
皮蛋酸薑 $38-
每次幫襯必定會叫，我係酸薑皮蛋嘅死忠。好多餐廳都唔會跟沙糖，但粗菜館會自動跟埋比你👍加沙糖食口感豐富好多，又可以中和酸薑嘅辣度。
51 views
0 likes
0 comments
49 views
0 likes
0 comments
39 views
0 likes
0 comments
Post
