Video
Read full review
2019-07-28
19 views
黎到isquare搵到間物超所值既餐廳！間餐廳非常闊落，座位非常舒適，十分適合同朋友黎傾計聚餐。呢間野主打中、台美食，我地兩個人叫左七樣野食。1. 金牌小籠包：呢個應該係間餐廳嘅招牌菜，而味道都令我地覺得佢值得成為招牌，但本人覺得小籠包中嘅湯略嫌不足，但整體不錯。2. 紅油醬牛肉：呢個我覺得係成晚比較失色嘅一碟，一黎牛肉較硬，二來辣油唔夠辣，唯獨上面嘅蒜非常多，正！3. 蒜泥白肉：呢個其實同紅油醬牛肉有啲相似，大量嘅蒜配合辣油同肉，但呢個嘅肉嫩好多，但個辣油都係較為失色。溫馨提示：食以上兩樣菜色，記得帶備香口膠。4. 炸雞捲：脆嘅炸雞，外面包住一層類似腐皮嘅野，加埋啲汁，好特別，味道、口感都好好，喜出望外，值得推介。5. 糖醋排骨：即係我地平時食開嘅咕嚕肉。我覺得佢嘅醬酸甜適中，整體大致跟平時食開嘅差不多，不過不失。6. 台式滷肉飯：同其他嘅滷肉飯唔同，呢間餐廳加左類似菜圃嘅野落啲肉到，好特別，兩者係難以置信的夾，令整個飯畫龍點睛，加了不少分。另外肉就肥瘦適中，認真不錯！7. 台式擔擔撈麵：本人十分推介呢個麵！濃烈嘅麻醬再加香辣嘅辣油，配合花生等嘅配料，天衣無縫！辣味唔會搶晒啲芝麻醬嘅
間餐廳非常闊落，座位非常舒適，十分適合同朋友黎傾計聚餐。
呢間野主打中、台美食，我地兩個人叫左七樣野食。
1. 金牌小籠包：呢個應該係間餐廳嘅招牌菜，而味道都令我地覺得佢值得成為招牌，但本人覺得小籠包中嘅湯略嫌不足，但整體不錯。
2. 紅油醬牛肉：呢個我覺得係成晚比較失色嘅一碟，一黎牛肉較硬，二來辣油唔夠辣，唯獨上面嘅蒜非常多，正！
3. 蒜泥白肉：呢個其實同紅油醬牛肉有啲相似，大量嘅蒜配合辣油同肉，但呢個嘅肉嫩好多，但個辣油都係較為失色。溫馨提示：食以上兩樣菜色，記得帶備香口膠。
4. 炸雞捲：脆嘅炸雞，外面包住一層類似腐皮嘅野，加埋啲汁，好特別，味道、口感都好好，喜出望外，值得推介。
5. 糖醋排骨：即係我地平時食開嘅咕嚕肉。我覺得佢嘅醬酸甜適中，整體大致跟平時食開嘅差不多，不過不失。
6. 台式滷肉飯：同其他嘅滷肉飯唔同，呢間餐廳加左類似菜圃嘅野落啲肉到，好特別，兩者係難以置信的夾，令整個飯畫龍點睛，加了不少分。另外肉就肥瘦適中，認真不錯！
7. 台式擔擔撈麵：本人十分推介呢個麵！濃烈嘅麻醬再加香辣嘅辣油，配合花生等嘅配料，天衣無縫！辣味唔會搶晒啲芝麻醬嘅香味，反而係雙映成趣，互相襯托，十分出色！加上個麵，本人誠意推介！
大家可能諗，喺isquare嘅餐廳，叫左七碟菜色，冇$300一個人都落唔到樓啦！但我同大家講，呢餐飯係講緊$360，即係人均三百都唔洗，咁嘅性價比，尖沙咀嘅大商場點搵！
Post
