Nebraska Member of Louis Steak House

Open Now

Now Closed

今日嚟到灣仔莊士敦道附近莊士敦大樓，同朋友去食一間俗稱老字號扒房！點解咁講除咗厚燒肉眼扒厚燒西冷扒係佢哋嘅皇牌之外，仲有好多唔同嘅肉類適合我哋呢啲好鍾意食肉嘅食肉獸！入到餐廳比較西式歐洲風格，四周嘅燈飾都利用咗復古工業設計風！再加上光線充足燈光暗淡之餘又可以有日光自然光令到眼睛同埋身心靈都可以放鬆一下！首先主菜我哋會叫咗個南瓜甘筍湯！湯底非常濃厚，亦都唔似有味精嘅感覺飲落去天然另外蒜蓉包浸落湯底亦都相當開胃！主菜一定要叫佢嘅安格斯牛六成熟！牛扒本身似威靈頓牛！所以食落去寧舍肉汁滿滿！再配上特製嘅燒汁磨菇，非常香濃！當然唔少得我個朋友都嗌咗一個黑椒汁安格斯五成熟,黑椒汁滲曬樂安格斯牛！重點係竟然有濃厚嘅蒜蓉味！令到牛嘅味道再提升咗嘅層次！最後同朋友一人嗌咗一杯紅酒放鬆感受下當刻嘅感覺！屬於寧靜可以談心事，又可以暫時放鬆神經嘅地方！場內亦都有唔少打卡影相嘅位置！Nebraska member of louis steak house灣仔莊士敦大樓地舖