Video
Read full review
2018-04-01
3774 views
好識食嘅朋友之前一路大力推介呢間「西餐大排檔」，話佢性價比超高，係佢每月必到之地。今日經過銅鑼灣順便嚟一試，第一次嚟，都算好易搵，離SOGO都好近啫。門口有個不斷變色嘅招牌，好似進入時光隧道咁，入到去裝修就唔太特別，冇太多花巧裝飾。午餐有八款，包左麵包、餐湯、餐茶，可以按個人喜好加唔同course，一場嚟到，假期又relax，一於放縱一吓。朋友溫馨提示話海鮮拼盤係必點之選，$55就有齊五款海鮮，我哋一人加左一份，二人份量嘅海鮮用冰鎮住，一大盤上枱，好吸引。講真，五款海鮮都好出色。生蠔新鮮飽滿有海水味又有甜味：磯煮鮑魚味道濃郁，隻鮑魚索晒啲醬汁好入味：日本帶子軟滑又帶甜甜蜜糖麵豉味，第一次食到，好得：蝦肉爽口：聖子刺身入口極爽脆，味道清新：加$28可以有杯紅或白餐酒，我地會食牛肉同魚肉，一人一杯，都幾易入口，唔會嗆喉，來，飲杯~~日式青瓜蟹籽沙律，青瓜好fresh，配特製沙律醬。即焗蒜蓉包配南瓜黑毛豬湯，唔似出面啲頹廢紅白湯，做得都幾有heart!香煎原條鮮魚，今日係爐魚，估唔到真係原條上碟，好大條，調味做得幾好，魚肉又夠彈牙。燒美國西冷牛肉，上枱時味道超香，食落牛肉味香濃，但食唔出燒烤
午餐有八款，包左麵包、餐湯、餐茶，可以按個人喜好加唔同course，一場嚟到，假期又relax，一於放縱一吓。
朋友溫馨提示話海鮮拼盤係必點之選，$55就有齊五款海鮮，我哋一人加左一份，二人份量嘅海鮮用冰鎮住，一大盤上枱，好吸引。講真，五款海鮮都好出色。
生蠔新鮮飽滿有海水味又有甜味：
磯煮鮑魚味道濃郁，隻鮑魚索晒啲醬汁好入味：
日本帶子軟滑又帶甜甜蜜糖麵豉味，第一次食到，好得：
蝦肉爽口：
聖子刺身入口極爽脆，味道清新：
加$28可以有杯紅或白餐酒，我地會食牛肉同魚肉，一人一杯，都幾易入口，唔會嗆喉，來，飲杯~~
日式青瓜蟹籽沙律，青瓜好fresh，配特製沙律醬。
即焗蒜蓉包配南瓜黑毛豬湯，唔似出面啲頹廢紅白湯，做得都幾有heart!
香煎原條鮮魚，今日係爐魚，估唔到真係原條上碟，好大條，調味做得幾好，魚肉又夠彈牙。
燒美國西冷牛肉，上枱時味道超香，食落牛肉味香濃，但食唔出燒烤香味，又有少少根位。
配菜係紫薯蓉、番茄、羽衣甘藍，配搭得好健康。加埋甜品 - 焦糖燉蛋，味道出色，加埋靚靚伴碟，$18好抵。
最後要飲埋杯即磨咖啡，YEAH~~
Post
