Little Cove Espresso

Open Now

Now Closed

星期日12點嚟到，大約排10個人，好彩cafe夠大，枱夠多，好快排到我地。但要留意的是cafe的排隊位置極大風，記得著多件衫。店舖份室內同室外位置，內外都光猛舒適，樓底好高，坐得好舒服。黎之前有少少偏見，覺得係打卡cafe，睇過menu覺得價錢略高，我叫左個煙三文魚酸種包黎到係好賞心悅目，擺盤100分，好似藝術品咁，原來味道一樣好！好多cafe的sourdough又薄又唔煙韌，有啲就難切到想用電鋸，但呢個真係外脆內軟，厚身有份量。最欣賞的係佢三文魚新鮮有光澤，而且份量好多好慷慨 (當然$102唔係平)，但我覺得對得住價錢。旁邊白色的係yoghurt，可以解膩。朋友叫左Pulled Pork Benedict，下面一樣係Sourdough，手撕豬肉上一樣有一隻poached egg加荷蘭醬，眼見手撕豬的份量都幾多，場內7成客人都叫呢個。飲品普通，咖啡豆的blend偏nutty。