媽咪雞蛋仔

Open Now

Now Closed

抹茶格仔餅 + 紅豆奶茶呢個真係好岩既配搭。之前食完限定麻糬雞蛋仔，今日就試下抹茶格仔餅，可以食到抹茶既回甘同埋濃郁既茶底，基本上成個格仔餅都係抹茶既香氣，加上砂糖、花生醬同埋煉奶，唔會太甜又唔會搶左抹茶既味道。餅底方面整得好煙韌，蛋味夠香而且新鮮出爐一定最好食。飲品再加埋紅豆奶茶，奶茶係港式奶茶底，紅豆味道同質感都幾好唔會太甜同太爛，飲一啖再食抹茶格仔餅，完全係提升到另一層次。基本上每次如果要搭船過海都一定會睇下有咩新款式，即使食返餐牌常注口味都冇得輸。