正麵館 新派車仔麵 (Closed)

通菜街呢頭食店選擇何其多, 打正旗號食車仔麵, 仲要係食新派車仔麵, 有幾咁新派? 一於睇下咩料先店內面積唔算大, 裝飾普通, 牆上有小食推介; 餐牌列舉食物選擇及居然有套餐選擇, 我地就點了二人餐($123), 包括自選3餸, 2款小食及2杯飲品湯底有幾款, 清湯, 喇沙及胡椒豬骨湯底, 選好面底湯底加餸落落單紙就OK, 等食.............友人點了清湯底加咖哩汁搭米粉, 餸方面選了咖哩魷魚, 支竹 (蘿白, 豆卜就每碗附送)咖哩魷魚幾入味, 一碗份量頗多, 清湯就味道真係幾清, 配以額外醬汁會中和返另外呢款就點左幾特別既胡椒豬骨湯(好夠味, 若然胡椒味重D就仲好)配幼麵, 幼麵份量比一般的多, 餸就點左車仔麵主角牛腩 (煮得好腍身); 辣味豬皮(又係好腍身); 豬潤 (過火有D嚡身), 特別欣賞佢既蘿白, 清甜無渣, 幾好味!小食方面, 點左瑞士鷄翼, 一碟六隻, 賣相好屋企FEEL, 味道偏甜, 鷄翼亦煮得偏腍另一款係店長推介, 墨魚餅 - 熱辣辣好香口, 食落口感好彈牙, 味道亦好夠味見佢有涼茶推介 - 呢杯係羅漢果煲龍利熱, 特別試一杯(另加$3), 味道唔太甜,