% Arabica (益發大廈)

Open Now

Now Closed

呢間裝修簡潔而又隱閉既秘景咖啡店，佢係由日本京都嵐山打開知名度後開到黎香港，已經有多間分店，而我經常去既就係位於著名打卡聖地怪獸大廈旁邊既鰂魚涌分店。偶然過開港島區搵朋友想飲杯咖啡傾下計都會選擇呢一度，因為佢既位置唔係位於鬧市，全店只有十個座位，即使滿座都唔會太嘈吵，傾起計上黎十分舒適，我最喜歡係呢度能夠遠離繁囂靜靜嘆杯咖啡休閒一個下午❤️咖啡方面店子出售既咖啡係有種令我一試再想回頭飲既感覺，單純只有咖啡賣既咖啡店如果咖啡唔夠好飲好難令人想一去再去，但係%ARABICA對我來說它做到了。向大家推薦店家兩款我喜歡既咖啡☕️🐠Ice Spanish Latte 西班牙拿鐵咖啡 $55好多人覺得點凍咖啡好易會因為冰溶解而變淡影響咖啡味，呢杯咖啡我飲完成杯都覺得佢既咖啡味濃郁，而且仲散發牛奶既奶香味味，唔會苦澀，口感細滑。🐠Ice Kyoto Latte京都拿鐵咖啡 $50聽講呢杯係最近新推出既咖啡，牛奶同咖啡既比例十分適中，唔會有任何一邊味太重搶左個味，口感同樣細滑。