Video
Read full review
2015-11-18
6731 views
得知「樂意扒房」將於下年中拒絕再玩，又一老牌「扒房」結業，總有幾分唏噓。趁着離結業日仲有一段日子，與友共聚這一晚經典之夜，皆因一嚐多道經典菜式 。由走上往餐廳嘅樓梯起，真有種當年今日，坐晌時光機嘅感覺。古舊嘅「金漆」招牌、紅地氈、木天花、仿紅磚牆 、紅白色格仔布、沉啡色實木餐椅、木製船舵吊燈、懷舊卡座、綉花餐巾……等等，都喺充滿懐舊嘅味道，讓人仿如時光倒流置身70年代嘅香港 。唔喺朋友講，真唔知佢都有超過40年咁耐嘅歷史。今晚嘅懷舊之夜，一切有老友安排，不用小弟費心，可以話喺飯來張口。 麵包籃 麵包單一只有法包，微微暖，似喺普通，咬落卻喺外皮超脆，包心非常鬆軟，入口就見真章。之後，沾湯，抑或蘸花膠嘅茨汁，同樣精采。 芝士焗鮮蟹肉蘑菇湯 $85 收得$85似乎貴，但試過個湯就知物超所值，因為唔單足料，湯內好多鮮蟹肉，又有唔少蘑菇粒；其次，就喺好味，蘑菇湯入口滾熱辣，菌味香濃，湯面嘅烘芝士，更喺散發出芝士香氣，質感柔滑，色香味全嘅餐湯。 法國1865生蠔 $78隻 喺是日嘅大廚推介之一，原來此蠔喺樂意扒房嘅獨家代理，怪唔之得未有晌外面其他餐廳遇過，正所謂機會難逢，萬
由走上往餐廳嘅樓梯起，真有種當年今日，坐晌時光機嘅感覺。古舊嘅「金漆」招牌、紅地氈、木天花、仿紅磚牆 、紅白色格仔布、沉啡色實木餐椅、木製船舵吊燈、懷舊卡座、綉花餐巾……等等，都喺充滿懐舊嘅味道，讓人仿如時光倒流置身70年代嘅香港 。唔喺朋友講，真唔知佢都有超過40年咁耐嘅歷史。
今晚嘅懷舊之夜，一切有老友安排，不用小弟費心，可以話喺飯來張口。麵包籃
麵包單一只有法包，微微暖，似喺普通，咬落卻喺外皮超脆，包心非常鬆軟，入口就見真章。之後，沾湯，抑或蘸花膠嘅茨汁，同樣精采。
芝士焗鮮蟹肉蘑菇湯 $85 收得$85似乎貴，但試過個湯就知物超所值，因為唔單足料，湯內好多鮮蟹肉，又有唔少蘑菇粒；其次，就喺好味，蘑菇湯入口滾熱辣，菌味香濃，湯面嘅烘芝士，更喺散發出芝士香氣，質感柔滑，色香味全嘅餐湯。
芝士焗鮮蟹肉蘑菇湯
$85
71 views
0 likes
0 comments
法國1865生蠔 $78隻 喺是日嘅大廚推介之一，原來此蠔喺樂意扒房嘅獨家代理，怪唔之得未有晌外面其他餐廳遇過，正所謂機會難逢，萬勿錯過。生蠔色澤光鮮，口感爽脆，海水味強，但蠔味亦濃，餘韻長，喺甚有個性嘅生蠔。
法國1865生蠔
$78
40 views
0 likes
0 comments
一如高級扒房，凱撒沙律都喺即場調製，以羅馬生菜、煙肉碎、鯷魚蓉、蛋黃醬、麵包粒……等等做成，特別另加有牛油果，羅馬生菜新鮮爽脆，醬汁拌得均勻，味道帶點鹹鮮，又喺西餐中一個經典嘅沙律組合。
凱撒沙律
$120
36 views
0 likes
0 comments
據店員介紹，花膠扒採用紐西蘭頂級花膠，其實，小弟除過時過節做吓做節飯，平日都甚少會食花膠，對花膠更認識淺薄，不過，嚟之前都知「樂意」嘅花膠扒甚有名氣，喺當年首創秘製花膠配牛柳，紅極一時。花膠扒入口腍滑而富彈性，一切極有啜刀之效，膠質極豐厚，又入味；秘製茨汁味道濃郁，所以，唔喺撈白飯，最好就用麵包蘸汁同吃，一滴都唔好嘥 ！
紅炆特級白花膠扒
$380
169 views
1 likes
0 comments
美國Prime Grade斧頭扒 $160 / 100g 萬眾期待嘅主角斧頭扒卒之登場，嘩，成公斤嘅頂級美國Prime Grade連骨牛扒，真喺大嚿到成件斧頭咁，幾有氣勢 。咪睇佢燒到焦炭咁，全因以高溫先燒封外皮，鎖住肉汁，之後再焗，將牛扒切開，嬌嫩粉紅嘅牛肉，切一小件放入口，外脆內嫩，充滿肉汁，吃出牛香，再試試灑下點點海鹽，又或沾一點英式芥辣或牛油香草醬，都別有另一番滋味 ；此外，伴碟嘅忌廉薯仔，口感也頗特別，怪唔得咁多名星都為依件「斧頭」而嚟啦。
美國Prime Grade斧頭扒
$1600
163 views
0 likes
0 comments
蘋果批雪糕 $70 晌「樂意」，經典又豈會得一、兩嘢吖，蘋果批雪糕又喺店中嘅另一經典，蘋果批屬傳統做法，真材實料無花巧，蘋果批皮鬆化，入口啖啖果肉，果肉香香甜甜，微微肉桂幽香，配上一大球雲呢嗱雪糕，怎教人唔滿足呢 ！
蘋果批雪糕
$70
130 views
1 likes
0 comments
以新鮮橙汁及幾款烈酒作堂煮，甚有氣派嘅排場，故一客美酒煮班戟索價真喺唔便宜。班戟口感柔軟而煙韌，酒香複雜，嗜酒嘅人可能會啱一啲，但總算見識一下這道經典甜品。
美酒煮班戟
$140
134 views
1 likes
0 comments
Post
