Video
Read full review
2024-04-11
1487 views
2024年3月26日 星期二終於可以迎接復活假期，今晚決定同屋企人一齊出街食飯食好啲，所以就出咗去佐敦新新酒樓食飯一上到去餐廳就已經見到有唔少客人，差唔多坐滿晒全場，好彩去到嘅時候仲有一張枱夠我哋四個人坐，雖然枱與枱之間比較迫，不過總算都坐得舒適餐廳晚餐提供幾款唔同人數既全包宴，包晒茶芥同加一，而且仲包含唔少菜式添，為咗唔想嘥時間諗食乜，所以就決定要咗個晚飯A餐等咗一陣食物就開始陸續送上，首先有懷舊金錢雞，已經冇乜地方可以食到，因為步驟比較繁複，好多師傅都已經唔識整，呢一間餐廳竟然仲有提供，所以真係好驚喜，金錢雞其實將叉燒、雞潤同肥豬肉夾埋一齊，口感好豐富，完全冇油膩嘅感覺，幾款配料互相配合，食落好香口之後有蒜香脆皮燒雞，雞皮燒得好香脆，雞油炸晒出嚟，所以食落去唔油膩，而且雞肉好嫩滑，加埋炸蒜一齊食就更加滋味然後分別有碧綠炒龍躉球同清蒸龍躉頭腩，將龍躉分為兩食各有各特色，但兩種唔同既烹調方法都令龍躉肉仍然保持嫩滑，一啲都唔韌，個人比較喜歡炒龍躉球，因為咬落去啖啖肉，完全無骨，可以好放心咁去食再黎係上湯加拿大龍蝦伊麵，龍蝦既份量都唔少，起油完再同伊麵煮埋一齊再加上湯，令到伊麵吸收晒龍蝦同
終於可以迎接復活假期，今晚決定同屋企人一齊出街食飯食好啲，所以就出咗去佐敦新新酒樓食飯
一上到去餐廳就已經見到有唔少客人，差唔多坐滿晒全場，好彩去到嘅時候仲有一張枱夠我哋四個人坐，雖然枱與枱之間比較迫，不過總算都坐得舒適
餐廳晚餐提供幾款唔同人數既全包宴，包晒茶芥同加一，而且仲包含唔少菜式添，為咗唔想嘥時間諗食乜，所以就決定要咗個晚飯A餐
等咗一陣食物就開始陸續送上，首先有懷舊金錢雞，已經冇乜地方可以食到，因為步驟比較繁複，好多師傅都已經唔識整，呢一間餐廳竟然仲有提供，所以真係好驚喜，金錢雞其實將叉燒、雞潤同肥豬肉夾埋一齊，口感好豐富，完全冇油膩嘅感覺，幾款配料互相配合，食落好香口
之後有蒜香脆皮燒雞，雞皮燒得好香脆，雞油炸晒出嚟，所以食落去唔油膩，而且雞肉好嫩滑，加埋炸蒜一齊食就更加滋味
然後分別有碧綠炒龍躉球同清蒸龍躉頭腩，將龍躉分為兩食各有各特色，但兩種唔同既烹調方法都令龍躉肉仍然保持嫩滑，一啲都唔韌，個人比較喜歡炒龍躉球，因為咬落去啖啖肉，完全無骨，可以好放心咁去食
再黎係上湯加拿大龍蝦伊麵，龍蝦既份量都唔少，起油完再同伊麵煮埋一齊再加上湯，令到伊麵吸收晒龍蝦同上湯既味道，加上師傅已經幫龍蝦斬左件，食起上嚟幾方便，有幾舊龍蝦仲無殼啖啖肉添
呢個係竹笙海皇燴燕窩，果然係落足料，每一啖都食到竹笙粒同唔同嘅海鮮，一啲都唔稀，味道啱啱好又唔會太鹹
跟住有瑤柱蛋白炒飯，份量足夠四個人食，夠晒鑊氣，而且飯粒炒得好分明，都好夠乾身，啖啖都食到瑤柱絲同蛋白絲
最後有蒸蟠桃，細細粒幾精緻，裏面係蓮蓉餡，個包唔會太大，啱晒作為甜品，食埋真係好飽！！
Post
