Video
Read full review
2021-06-09
4294 views
2021年5月31日 星期一今晚唔想煮飯，但係又唔知食咩好，同老婆兩個人喺灣仔行吓行吓，諗住見到有咩餐廳就入去食咁啱就見到呢一間冰室，感覺呢間舖頭最近好似好多地區都開咗，口碑都唔錯，所以諗都冇諗就直接入咗去餐廳裏面嘅裝修同餐牌設計都同經典嘅茶餐廳差唔多，好有懷舊嘅感覺，食物嘅價錢都唔算太貴，二人套餐每人都係60幾蚊，於是我哋每人叫咗一個扒餐，再加少少食物一點完餐，店員就送上餐湯，係中式老火湯，似乎落足料煲，飲落去熱辣辣，夠晒滋潤，屋企少煲湯水嘅朋友就啱晒之後當然唔少得茶餐廳必點嘅飲品紅豆冰，我哋每人叫咗一杯，見到紅豆嘅份量差唔多佔全杯嘅一半，真係好誇張，食落去每一粒紅豆都唔硬，又唔會太過甜，同花奶嘅比例配合得啱啱好，真係經典嘅港式味道呢碟沙薑雞係我哋另外叫嘅，因為係店員推介，屬於餐廳嘅招牌菜之一，由於怕食唔晒，所以只係叫咗例牌既份量，但係都估唔到有咁多件，雞整得好入味，每一啖雞肉都食到沙薑嘅濃郁味道，仲有撒上面既炒芝麻，用嚟送飯完全係一流呢兩份三文治都係我哋後加既，因為實在係太肚餓，加上價錢真係好抵，每份都係十幾蚊，仲可以要烘底添，我要既火腿芝士三文治食落去既時候，芝士係可以拉到絲出嚟
今晚唔想煮飯，但係又唔知食咩好，同老婆兩個人喺灣仔行吓行吓，諗住見到有咩餐廳就入去食
咁啱就見到呢一間冰室，感覺呢間舖頭最近好似好多地區都開咗，口碑都唔錯，所以諗都冇諗就直接入咗去
餐廳裏面嘅裝修同餐牌設計都同經典嘅茶餐廳差唔多，好有懷舊嘅感覺，食物嘅價錢都唔算太貴，二人套餐每人都係60幾蚊，於是我哋每人叫咗一個扒餐，再加少少食物
一點完餐，店員就送上餐湯，係中式老火湯，似乎落足料煲，飲落去熱辣辣，夠晒滋潤，屋企少煲湯水嘅朋友就啱晒
之後當然唔少得茶餐廳必點嘅飲品紅豆冰，我哋每人叫咗一杯，見到紅豆嘅份量差唔多佔全杯嘅一半，真係好誇張，食落去每一粒紅豆都唔硬，又唔會太過甜，同花奶嘅比例配合得啱啱好，真係經典嘅港式味道
呢碟沙薑雞係我哋另外叫嘅，因為係店員推介，屬於餐廳嘅招牌菜之一，由於怕食唔晒，所以只係叫咗例牌既份量，但係都估唔到有咁多件，雞整得好入味，每一啖雞肉都食到沙薑嘅濃郁味道，仲有撒上面既炒芝麻，用嚟送飯完全係一流
呢兩份三文治都係我哋後加既，因為實在係太肚餓，加上價錢真係好抵，每份都係十幾蚊，仲可以要烘底添，我要既火腿芝士三文治食落去既時候，芝士係可以拉到絲出嚟之餘，麵包係鬆脆
至於另一份三文治就係鹹牛肉滑蛋三文治，由於老婆話好耐冇食過鹹牛肉，所以好想試吓，亦都係茶餐廳獨有，鹹牛肉同滑蛋真係配合得天衣無縫，味道鹹香，份量都唔少，老婆食得好滋味
終於去到主菜，首先係我叫嘅鐵板蘋果豬扒，有一大片蘋果係大大塊豬扒上面，仲有好多薯菜添，十分豐富，豬扒雖然好厚身，不過一啲都唔難切開，裏面嘅肉質仲好幼嫩，配合埋蘋果一齊食，味道更加昇華，甜甜地
至於老婆就要咗鐵板美式什扒，瞓上一樣好豐富，一個人完全食唔晒，因為包括咗煙肉、腸仔、雞扒同牛扒，仲有好多薯菜，薯條好脆身，又吸收左醬汁，所以好好食
而牛扒同雞扒都好厚身又大塊，每一啖都食到醬汁，完全唔覺得韌，食晒成份鐵板真係勁飽
食左咁多野埋單都係$300左右，好似返到以前嘅香港咁
Post
